Geovà el ama persone nete

I genitori i se sforsa par insegnar i so fioi a esser sempre neti e organisadi. Lori i ghe dise: “Lava le man. Meti a posto el to quarto. Scoa par tera. Buta via le sporchìssie.” Ma savemo che quel che lori i insegna, in verità, el vien de Geovà. (Ésodo 30:18-20; Deuteronómio 23:14; 2 Corinti 7:1) Quando noantri semo neti e anca assemo le nostre robe nete, semo drio lodar a Geovà. (1 Piero 1:14-16) E la nostra casa e le robe intorno de noantri? Come persone che le serve a Geovà, noantri semo difarenti de quei che i buta via sporchìssie par tera e nel mato. Noantri se sforsemo par assar el nostro pianeta neto. (Salmo 115:16; Apocalisse 11:18) Fin nele pìcole robe noantri podemo dimostrar che semo neti. Par esémpio, ndove che te butaria un papel de bala o una lata de refrigerante? In tute le situassion dela vita volemo ‘dimostrar che servimo a Dio’. — 2 Corinti 6:3, 4.

VARDA EL VÌDEO GEOVÀ EL AMA PERSONE NETE E ORGANISADE, E DOPO RISPONDI A QUESTE DOMANDE:

• Che scuse che arquanti i dà par no assar le so robe nete?

• Come che la Lege mosaica la mostra quel che Geovà el pensa sora esser neto?

• Come che el nostro esémpio el pol lodar a Geovà?