Cossa che podemo imparar dei vìdei musicai del JW Broadcasting?

Che vìdei musicai del JW Broadcasting te piase de pi? Parché? I vìdei i mostra robe che le sucede pròpio nela nostra vita. Lori i parla sora diverse robe e i ga tipi difarenti de mùsiche che pol piaserghe a tuti. Ma questi vìdei musicai no i ze mia sol par diversion.

Tuti i vìdei musicai i insegna lession pràtiche che podemo meter in pràtica nela nostra vita e nela predicassion. Ghen’è mùsiche che le parla de ospitalità, union, amicìssia, coraio, amor e fede. Altre mùsiche le parla de come tornar a Geovà, come perdonar, come far quel che l’è giusto tuti i giorni e come far sforsi par catar de pi maniere par servir a Geovà. Ghen’è anca una mùsica che la parla de come doperar el selular de maniera echilibrada. Che altre lession pràtiche te ghè imparà nei vìdei musicai del JW Broadcasting?

VARDA EL VÌDEO MUSICAL ROMAI L’È BEN DARENTE, E DOPO RISPONDI A QUESTE DOMANDE:

• Sora che bela promessa el casal de età l’è drio pensar? — Génesi 12:3

• Come che podemo far la nostra fede pi forte nele promesse de Geovà?

• Con chi che noantri se cataremo presto nantra volta?

• Come che la speransa nel Regno de Dio la ne giuta a infrontar le dificoltà che ghemo ancoi? — Romani 8:25