Mostremo amor quando apoiemo la dissiplina de Geovà

La desassossiassion la serve par proteger la congregassion e anca par dissiplinar le persone che no le se ga ciamade grame dei so pecati. (1 Cor. 5:6, 11) Quando apoiemo la dissiplina de Geovà semo drio mostrar amor. Come che podemo dir che la desassossiassion la ze una prova de amor se la fà sofrir la fameia e i ansiani che i ga dessidio desassossiar la persona?

El pi importante l’è che, quando apoiemo la desassossiassion, noantri semo drio mostrar che amemo el nome de Geovà e quel che lu el dise che l’è santo o puro. (1 Pie. 1:14-16) Anca, mostremo che amemo la persona che la ze stata desassossiada. La dissiplina la pol produser el “fruto de pace e giustìssia”, ancora che la ne fae sofrir. (Ebr. 12:5, 6, 11) Noantri sarìssino contra la dissiplina de Geovà se stemo insieme con una persona che la ze stata desassossiada o con qualchedun che no’l ga volesto pi esser una Testimònia de Geovà. Ghemo de ricordarse che Geovà sempre el dissiplina “nela mesura giusta”. (Ger. 30:11) Intanto che spetemo che la persona la torne al nostro pare misericordioso, ghemo de far tuto quel che podemo par apoiar la dissiplina de Geovà e mantegner forte la nostra amicìssia con lu. — Isa. 1:16-18; 55:7

VARDA EL VÌDEO SEITA ESSER LEAL DE TUTO EL CUOR, E DOPO RISPONDI A QUESTE DOMANDE:

• 

  Come che el pare e la mare fursi i se sente quando un fiol el assa de servir a Geovà?

• 

  Come che i fradei dela congregassion i pol giutar la fameia de qualchedun che l’è stà desassossià?

• 

  Che parte dela Bìblia la mostra che l’è pi importante esser leal a Geovà che ala fameia?

• 

  Come che noantri podemo mostrar che semo pi leai a Geovà che ala nostra fameia?