Gheto belche pensà de far la Scola par Vangelisadori del Regno?

Gheto intrà 23 e 65 ani? Sito nel tempo integral? Gheto bona salute? Te pol giutar ndove ghen’è de pi bisogno? Alora, gheto belche pensà de far la petission par la Scola par Vangelisadori del Regno? Tanti fradei e sorele che i ze maridadi o solteri i ga belche fato la petission. Ma, ghe ocore de pi aiuto de fradei solteri. Prega a Geovà che te giute a gaver la voia de contentarlo e far compagno al so Fiol. (Salmo 40:8; Mat. 20:28; Ebr.10:7) Dopo, pensa cossa che te pol cambiar nela to vita par poder far la Scola, come el to laoro e altre responsabilità.

Che altre oportunità i pol gaver quei che i fà la Scola? Arquanti i ze stati mandadi a altri posti ndove se parla altre léngue o par partissipar nela predicassion in grande cità. Dopo de un tempo, ghen’è de quei che i scomìnsia a servir come superintendenti de sircuito, sustituti de viaiante o missionari. Te pol far de pi par Geovà! Sìpia come el profeta Isaia che el ga dito: “Eco! Son qua, màndame!” — Isa. 6:8

VARDA EL VÌDEO MISSIONARI CHE I LAORA NELA RACOLTA, E DOPO RISPONDI A QUESTE DOMANDE:

• 

  Come che i missionari i ze scoliesti?

• 

  Che bel laoro i missionari i ze drio far?

• 

  Che benession gali i missionari?