Gavé de insegnar ai vostri fioi quel che i ga de saver

El mondo ancoi el insegna che quel che l’è sbalià l’è giusto e quel che l’è giusto l’è sbalià. (Isa. 5:20) Arquanti i fà quel che Geovà el òdia, come far robe brute con persone del medèsimo sesso. Pol esser che i coleghi de scola i vol che i to fioi i fae robe sbaliade compagno lori. Come che te pol giutar i to fioi a saver cossa far quando questo sucede?

Giuta i to fioi a imparar quel che Geovà el dise che l’è giusto o sbalià. (Lev. 18:3) Inségnaghe, de acordo cola so età, quel che la Bìblia la dise sora el sesso. (Deu. 6:7) Domandate: ‘Go belche insegnà ai me fioi la maniera giusta de mostrar che te ghe vol ben a una persona? Ghe go insegnà a no vestirse ciamando atension par el corpo, con robe che le ze massa tacade o curte? Gonti insegnà che ghen’è parte del so corpo che nissuni i ga de tocar? I me fioi i sà cossa far se qualchedun proa farghe veder pornografia o vol che i fae una roba che la ze sbaliada par Geovà?’ Sarà tanto bon par i to fioi se ti te ghe insegni de picinini sora queste robe. (Pro. 27:12; Ecl. 7:12) Te mostri che i to fioi i ze una eransa pressiosa de Geovà quando te ghe insegni. — Sal. 127:3

VARDA EL VÌDEO FÀ SU UNA CASA FIRME E FORTE — GAVÉ DE PROTEGER I VOSTRI FIOI DELE “BRUTE ROBE”, E DOPO RISPONDI A QUESTE DOMANDE:

• 

  Parché che pol esser fadiga par arquanti pare e mare parlar coi so fioi sora sesso?

• 

  Parché che el pare e la mare i ga de insegnar ai so fioi “ntela dissiplina e ntela orientassion de Geovà”? — Efe. 6:4

• 

  Che publicassion e vìdei dela organisassion el pare e la mare i pol doperar par insegnar ai so fioi sora sesso? — Sentinela 05/19 pàg. 12, quadro

• Parché che te ghè de parlar sempre coi to fioi vanti che suceda qualcossa con lori?