Cossa che te ghè belche fato par rivar al batésimo?
VIVEMO COME GESÙ
Servir a Geovà l’è la meio roba de far!
Se te sì drio studiar la Bìblia o te sì un gióveno predicador, pénsito in batesarte? Parché che l’è bon voler esser batesà? Parché quando te prometi a Geovà nte una orassion che te vol servirlo par sempre, e te te batesi, te scominsi a gaver una amicìssia spessial con lu. (Sal. 91:1) Se te fè cossita, te podaré esser salvo. (1 Pie. 3:21) Cossa che te ghè de far par batesarte?
Sìpia sicuro che questa la ze la verità. Fà peschise par saver la risposta a qualche dùbio che te vien in mente. (Rom. 12:2) Se ghen’è qualcossa che te toca cambiar, te ghè de farlo par contentar Geovà. (Pro. 27:11; Efe. 4:23, 24) Prega sempre a Geovà par domandarghe aiuto. Te pol esser sicuro che Geovà sempre te darà forsa par meso del so spìrito santo. (1 Pie. 5:10, 11) Val a pena el to sforso parché servir a Geovà l’è la meio roba de far! — Sal. 16:11
VARDA EL VÌDEO COME PARECIARSE PAR EL BATÉSIMO, E DOPO RISPONDI A QUESTE DOMANDE:
Che dificoltà arquanti i ze stati boni de darghene fora par batesarse?
Cossa gheto de far par gaver la fede che bisogna par dessider servir a Geovà?
Cossa che ga motivà tanti a far quel che ocore par esser batesadi?
Che benedission Geovà el dà par quei che i desside servirlo?
Cossa vol dir dedicarse e batesarse?