VIVEMO COME GESÙ
Sìpia ben parecià nel fin dei “ùltimi giorni”
Semo drio viver nel fin dei “ùltimi giorni” e ghen sarà cada volta pi dificoltà. (2 Tim. 3:1; nota dela Bíblia de Estudo in Mat. 24:8) Quando sucede una desgràssia, Geovà el ne dà istrussion nela ora giusta. Se volemo salvar la nostra vita, ghemo de esser obedienti e pareciarse adesso. — Luc. 16:10
Paréciate de maniera spiritual: Gàpia el costume de leder la Bìblia e de studiarla. Impara a far el laoro de predicassion de diverse maniere. No stà spaurarte se no te sì mia bon de parlar coi fradei par un tempo. (Isa. 30:15) Ricòrdate! No te sarè mai distante de Geovà e de Gesù. — Organizados pàg. 176-177 paràg. 15-17
Paréciate anca de altre maniere: Cada persona la ga de pareciar quel che la ga de bisogno de una maniera fàcile de portar. Anca, l’è importante che cada fameia la gàpia casa un pochetin de pi de magnar, àqua, remedi e altre robe che la ga de bisogno. Cossita, se no te pol ndar via de casa par un tempo, te gavarè quel che te ocore. — Pro. 22:3; Despertai! No. 5 de 2017 pàg. 4, 6
VARDA EL VÌDEO SITO PARECIÀ PAR UNA DESGRÀSSIA?, E DOPO RISPONDI A QUESTE DOMANDE:
Come che podemo pareciarse spiritualmente vanti de una desgràssia?
Parché che ghemo bisogno de . . .
gaver una bona comunicassion coi ansiani?
pareciarse vanti cole robe che ghemo de pi bisogno?
ricordarse che tipo de desgràssie le pol suceder e cossa far in cada situassion?
De che tre maniere podemo giutar quei che i ga passà par una desgràssia?
DOMANDATE: ‘Cossa che mi go imparà dela pandemia del corona vìrus sora esser sempre parecià?’