Mostra amor nela fameia

El amor l’è tanto importante nela fameia parché el fà che la sìpia unida. Se no ghen’è amor, le persone no le se giuta e le resta distante una del’altra. Come che el omo, la dona e el pare e la mare i pol mostrar amor nela fameia?

El omo amoroso l’è atento a quel che la so dona la sente, la pensa e con quel che la ga de bisogno. (Efe. 5:28, 29) Lu el dà ala so fameia quel che ghe ocore par viver e la giuta a gaver una forte amicìssia con Geovà. Lu el fà la adorassion in fameia tute le stimane. (1 Tim. 5:8) La dona amorosa la ga in mente che el so omo l’è el so paron e lo rispeta. (Efe. 5:22, 33; 1 Pie. 3:1-6) El omo e la dona i ga de sforsarse sempre par perdonarse un al altro. (Efe. 4:32) El pare e la mare che i ga amor par i so fioi i ghe insegna a amar a Geovà e i se preocupa con cada un de lori. (Deu. 6:6, 7; Efe. 6:4) Lori i pol domandarse: ‘Che dificoltà gali i me fioi nela scola? Cossa che i fà quando i altri i proa influensarli a far robe sbaliade?’ Quando ghen’è amor nela fameia, tuti i se sente ben e felice.

VARDA EL VÌDEO NELA FAMEIA, MOSTRA EL AMOR CHE NO’L SE FINISSE MAI, E DOPO RISPONDI A QUESTE DOMANDE:

• 

  Come che el omo amoroso el ga de tender dela so dona?

• 

  Come che una dona amorosa la mostra rispeto par el so omo?

• 

  Come che el pare e la mare amorosi i dopera tute le oportunità par insegnarghe ai so fioi sora Geovà?