Trata le done pi vècie come mare e le pi gióvene come sorele

La Bìblia la ne dise de tratar i nostri fradei e sorele pi veci come se i fusse nostro pare e nostra mare, e i fradei e sorele pi gióveni come se i fusse nostri fradei. (Ledi 1 Timòteo 5:1, 2.) L’è ancora pi importante par i òmini dela congregassion rispetar e darghe valor ale sorele.

Un fradel no’l ga mai de dar massa atension a una sorela e gnanca far qualcossa che ghe fesse sentirse mal o con vergogna. (Giò 31:1) Un fradel che no l’è mia maridà no’l ga de far finta che el vol smorosar una sorela se, infati, lu no’l vol mia.

Anca i ansiani i ga de tratar ben le sorele. Par esémpio, quando una sorela, con rispeto, la domanda o la ghe dise qualcossa a un ansiano sora la congregassion, i ansiani i ga de scoltarla e darghe atension. L’è importante anca che lori i se preocupe cole sorele che le ze sole. — Rute 2:8, 9

VARDA EL VÌDEO NELA CONGREGASSION, MOSTRA EL AMOR CHE NO’L SE FINISSE MAI — PAR LE VÉDOVE E PAR I ÒRFANI, E DOPO RISPONDI A QUESTE DOMANDE:

• 

  Come che la congregassion la ga mostrà amor par la sorela Su Su Myint?

• 

  Cossa che i visini i ga catà del amor che la congregassion la ga mostrà par la sorela Su Su Myint?

• 

  Come che el amor dei fradei dela congregassion ga influensà le fiole dela sorela Su Su Myint?

Come che te pol mostrar che te preocupi cole sorele dela to congregassion?