VIVEMO COME GESÙ
Come doperar la revista e el libro Te pol viver felice par sempre!
L’è maraveioso gaver una revista e un libro novo par insegnar la Bìblia ale persone! Noantri preghemo che Geovà el benedissa i nostri sforsi de far tanti novi dissìpoli. (Mat. 28:18-20; 1 Cor. 3:6-9) Come che podemo doperar queste publicassion nove?
La maniera che noantri insegnemo la Bìblia con queste publicassion la sarà difarente de quel che féino prima. Te pol far cossita par pareciarte e insegnar la Bìblia ale persone:a
Ledi i paràgrafi insieme col to studiante e dopera le domande par discorer sora el assunto.
Ledi insieme col studiante i testi che ghen’è scrito “ledi” e “ledé”, e giuta el studiante a capir come i testi i ze relassionadi col paràgrafo.
Vardé i vìdei e dopera le domande par parlar sora i vìdei.
Proa studiar tuta una lession cada volta che te fè el stùdio.
Nela predicassion, daghe la revista ala persona par saver se la vol pròpio studiar la Bìblia. (Varda el quadro nela pàgina 16 “Come doperar la revista Te pol viver felice par sempre! nela prima vìsita”.) Se te finissi de studiar tuta la revista cola persona e ela la vol seitar studiar, daghe el libro e scomìnsia a studiar con ela nela lession 4. Se te sì belche drio studiar la Bìblia con una persona doperando nantra publicassion de stùdio càmbia par el libro Te pol viver felice par sempre!. No ocore scominsiar studiar el libro dela prima lession, ma te pol scòlier ndove scominsiar de acordo con quel che el studiante el ga belche imparà.
VARDA EL VÌDEO BENVENUTO AL TO STÙDIO DELA BÌBLIA, E DOPO RISPONDI A QUESTE DOMANDE:
Cossa che el studiante ndarà imparar con questo novo libro?
Parché che l’è importante mostrar questo vìdeo a quei che i ga scominsià a studiar la Bìblia?
Cossa che te ghè de giutar el to studiante a far? (Vedi el quadro “Ogetivo de cada session” nela pàgina 16.)
a NOTA: Te pol dessider studiar o nò la parte “Vuto saver de pi” insieme el to studiante. Ma, quando te vè pareciarte, ledi i artìcoli e varda i vìdei de questa parte. Cossita, te sarè bon de dessider se te ndarè doperarli o nò. Se te doperi el to computador o altro dispositivo eletrònico te cati anca i link par i vìdei e i altri artìcoli.
OGETIVO DE CADA SESSION |
|||
|---|---|---|---|
LESSION |
COSSA CHE NDAREMO IMPARAR? |
COSSA CHE EL STUDIANTE EL GA DE FAR |
|
01-12 |
Ndemo veder come la Bìblia la pol giutarte e come che te pol cognosser meio quel che la ga fato |
Incoraia el studiante a leder la Bìblia, pareciarse par el stùdio e scominsiar a ndar ale riunion |
|
13-33 |
Varda cossa che Dio l’è drio far par noantri e come che lu el vol che lo adoremo |
Giuta el studiante a parlar dela verità coi altri e a deventar predicador |
|
34-47 |
Ndaremo imparar arquante robe che Geovà el speta che femo |
Insentiva el studiante a dedicarse a Geovà e a batesarse |
|
48-60 |
Ndaremo imparar come seitar a amar a Dio |
Insegna el studiante a capir quel che l’è giusto e quel che l’è sbalià e a far progresso spiritual |
|