Come far una bona riunion par la predicassion

Tute le nostre riunion le ze un presente de Geovà par incoraiarse un al altro, anca le riunion par la predicassion. (Ebr. 10:24, 25) Quel che el fà questa riunion el ga de far una considerassion, dessider chi ndarà predicar insieme e dir ndove i fradei ndarà predicar. Par finir la riunion, se fà una orassion. Tuto questo ga de esser fato intrà 5 e 7 minuti. Ma, se questa riunion la ze dopo dela riunion de congregassion la ga de esser ancora pi curta. Quel che el fà la riunion par la predicassion el ga de pareciarse ben e parlar qualcossa che giutarà i predicadori. Par esémpio, lu el pol darghe una idea dei assunti che se pol discorer cole persone parché tanti fradei sol i ze boni de ndar ala predicassion nel final de stimana. Che altre robe le podarà giutar i fradei in questa riunion?

• Una dele idee par parlar sora la Bìblia dela Programassion dela Riunion

• Come doperar una notìssia o qualcossa che l’è drio suceder par scominsiar a discorer con una persona

• Come risponder quando la persona la dimostra che no la vol mia scoltar

• Cossa dir se catemo qualchedun che el parla nantra léngua, che no’l crede mia in Dio, che el crede nela evolussion o se catemo qualchedun de una religion che no la ze tanto comun

• Come doperar ben el site jw.org, el aplicativo JW Library^® o la Bìblia

• Come doperar le Prinsipai publicassion e vìdei par insegnar

• Come predicar in posti pùblichi, par meso de telèfono e carte, come visitar le persone nantra volta e come insegnarghe la Bìblia

• Come star atenti ai perìcoli, come cambiar el assunto de acordo con quel che la persona la dise, come parlar cole bone, come esser positivi o nantro assunto che sìpia de aiuto par i predicadori

• Una lession o un vìdeo dela revista Sfòrsate par predicar e insegnar meio

• Come incoraiar o giutar el fradel o sorela che l’è con noantri nela predicassion

• Contar una bela speriensa o leder un testo che giuta nela predicassion