Giuta el to studiante a magnar in senso spiritual

Par giutar un studiante a cognosser meio a Geovà e far progresso el so magnar spiritual no’l ga de esser sol quando noantri ghe insegnemo la verità dela Bìblia. (Mat. 5:3; Ebr. 5:12–6:2) El studiante el ga de imparar come lu stesso el ga de studiar par far la so fede pi forte.

De quando te scominsi a studiar la Bìblia con lu, inségnaghe come pareciarse e incoraialo a sempre far questo. (Apostila 03/18 pàg. 6) Spiegaghe che l’è importante pregar vanti che lu el stùdie la Bìblia lu sol. Inségnaghe come doperar i nostri site e aplicativi par studiar. Mostraghe come lu el pol saver cossa che ghen’è de novità nel site jw.org e nel JW Broadcasting^®. Pin pianeto, insegna el studiante a leder la Bìblia tuti i di, a pareciarse par le riunion e come far peschise quando lu el ga qualche dùbio. Giuta el studiante a pensarghe sora quel che lu l’è drio imparar.

VARDA EL VÌDEO GIUTA EL TO STUDIANTE DELA BÌBLIA A MAGNAR IN SENSO SPIRITUAL, E DOPO RISPONDI A QUESTE DOMANDE:

• 

  Come che Rita la ga giutà Sara a veder che studiar no l’è mia sol catar le risposte?

• 

  Cossa che ga giutà Sara a capir che Geovà el ga rason de proibir la imoralità sessual?

• 

  Cossa che Sara la ga capio sora la meditassion?