Cossa che imparemo de Samuel?

Par tuta la so vita, Samuel l’è stà fedele a Geovà. Quando l’era picinin, lu no’l ga mia fato compagno el bruto esémpio de Ofini e Fineia, che i era fioi de Eli. (1 Sam. 2:22-26) Intanto che Samuel el vegnea grando, Geovà l’era sempre drio benedirlo. (1 Sam. 3:19) Quando l’è vegnesto pi vècio, i so fioi no i ga pi volesto obedir a Geovà. Ma ancora cossita, Samuel l’è stà fedele e el ga seità servirlo. — 1 Sam. 8:1-5

Cossa che podemo imparar col esémpio de Samuel? Se te sì gióveno, no stà mai desmentegarte che Geovà el capisse quel che te senti e i problemi che te infronti. Lu el te giutarà a gaver coraio. (Isa. 41:10, 13) Pare e mare, se valtri gavé un fiol che el ga assà de servir a Geovà, ricordéve de Samuel. Lu no’l ga mai obrigà i so fioi adulti a seitar leai a Dio. Invesse, lu el ga assà che Geovà el risolvesse el problema. Lu el ga seità fedele e el ga contentà a Dio. Pol esser che el vostro esémpio ndarà motivar el vostro fiol a tornar a servir a Geovà.

VARDA EL VÌDEO ESEMPI PAR NOANTRI — SAMUEL, E DOPO RISPONDI A QUESTE DOMANDE:

• 

  Come che Samuel el ga mostrà coraio de quando l’era picinin?

• 

  Come che Luca el ga mostrà coraio?

• 

  Come che Samuel el ga dato un bon esémpio quando l’era pi vècio?

• 

  Come che i genitori de Luca i ga dato un bon esémpio?