Come doperar le Idee par parlar sora la Bìblia

La organisassion la se sforsa tanto par pareciar le Idee par parlar sora la Bìblia. Tanti predicadori i ga boni resultadi quando i mete in pràtica queste sugestion. Magari, la situassion la càmbia de un posto al altro. Par quela, quando semo nela predicassion, podemo doperar una presentassion difarente o nantro assunto che interessa de pi ale persone nel nostro teritòrio. Ma quando ghen’è una predicassion spessial, bisogna che ndemo drio ale istrussion che ricevemo. El nostro ogetivo l’è obedir ala òrdine de Gesù de predicar le bone notìssie del Regno. — Mat. 24:14

Nele parte de studiante, ghemo de doperar el assunto che ghen’è nele Idee par parlar sora la Bìblia dela Programassion dela Riunion. Se no ghen’è nantra istrussion, podemo cambiar la domanda dela presentassion, el testo dela Bìblia e la domanda par la pròssima vìsita, de acordo con quel che interessa ale persone nel nostro teritòrio. Questo càmbia la istrussion dela pàgina 8 dela Programassion de giugno de 2020.