VIVEMO COME GESÙ
Sìpia parecià vanti che suceda un problema de salute
Parché pareciarse? Parché pol suceder qualcossa de colpo che te toca ndar suito al ospedal o restar là. Alora, fà tuto quel che te pol par doperar i aiuti che ghen’è e ricever el meio tratamento. Cossita, te vè mostrar che te ghè rispeto par la vita e par la lege de Geovà sora el sangue. — Ati 15:28, 29
Cossa far par pareciarse?
Fà orassion e scrivi le informassion con atension nel carton Diretivas Antecipadas.a Se te sì batesà, te pol domandar al fradel che el tende dele publicassion un carton Diretivas Antecipadas. Se te ghè fioi gióveni che no i ze batesadi e te sì ancora responsàbile par lori, te pol domandar un Cartão de Identificação.
Se te sì drio spetar un fiol, domanda ai ansiani una còpia del documento Informações para Gestantes (S-401). Questo documento el ndarà giutarte a far bone dessision sora tratamenti de salute che fursi te gàpia bisogno intanto che te sì gràvida o intanto che el tatin l’è drio nasser.
Pol esser che te toca restar in ospedal o pol esser che el dotor el dise che te ghè de far un tratamento relassionà col sangue. Se questo sucede, parla vanti ai ansiani e parla al ospedal che te piaseria ricever una vìsita de un ministro dele Testimònie de Geovà.
Come che i ansiani i pol giutar? Lori i pol giutarte a scriver le informassion nel to carton Diretivas Antecipadas. Ma i ansiani no i va dessider nel to posto, gnanca i te dirà quel che i pensa sora i tratamenti de salute che ti te ghè de dessider. (Rom. 14:12; Gàl. 6:5) Quando te parli ai ansiani che te ghè de far un tratamento de salute che pol esser relassionà col sangue, lori i farà presto parlar cola Colih (Comission de Contato coi Ospedai).
Come che la Colih la pol giutar? I fradei che i fà parte dela Colih i ze trenadi par giutar quei che i laora cola salute e anca quei che i laora con assunti dela lege a capir cossa che le Testimònie de Geovà le pensa sora el sangue. I fradei dela Colih anca i pol parlar con quei che i laora cola salute sora come far tratamenti sensa transfusion de sangue. Se ghen’è bisogno, lori i pol giutarte a catar un dotor che el rispeta le to dessision sora i tratamenti de salute.
VARDA EL VÌDEO COME FAR DESSISION SORA TRATAMENTI DE SALUTE RELASSIONADI COL SANGUE, E DOPO RISPONDI A QUESTA DOMANDA:
Pol esser che suceda qualcossa de colpo che te toca ndar suito al ospedal e far un tratamento che l’è relassionà col sangue. De acordo col vìdeo, come che te pol pareciarte vanti?
a La lession 39 del libro Viver felice par sempre! la pol giutarte a far dessision sora tratamenti de salute che i ze relassionadi col sangue.