VIVEMO COME GESÙ
Pénsito come Geovà?
Noantri volemo piaserghe a Geovà in tuto quel che femo. (Pro. 27:11) Alora, stesso che no ghen sìpia una règola o una lege che ne diga cossa far, ghemo de dessider de acordo cola maniera de pensar de Geovà. Come che podemo farlo?
Stùdia la Bìblia tuti i di. Sempre che ledemo la Bìblia, l’è come se fùssino drio passar tempo con Geovà. Imparemo sora la so maniera de pensar quando vedemo come Geovà el ga tratà el so pòpolo nel passà e quando studiemo el esémpio de persone che le ga fato bone o brute robe. Cossita, quando ghemo de far una dessision, el spìrito santo ne giutarà a ricordarse de lession e prinsipi che ghemo imparà nel nostro stùdio dela Bìblia. — Gioani 14:26
Fà peschise. Quando te ghè de far una dessision, domandate: ‘Che testi o parte dela Bìblia pol giutarme a capir come che Geovà el se sente sora questo assunto?’ Prega a Geovà e dopera le feramente de peschisa che ghen’è nela to léngua par catar prinsipi bìblichi e meterli in pràtica. Cossita, te pol far una bona dessision. — Sal. 25:4
VARDA EL VÌDEO “COREMO CON PERSEVERANSA!” — MAGNA ALIMENTO NUTRITIVO, E DOPO RISPONDI A QUESTE DOMANDE:
Che pression la gióvena la ga infrontà?
Come che te pol doperar le feramente de peschisa par darghene fora con situassion someiante?
Parché che l’è bon torse el tempo par peschisar e studiar robe che ne giutarà a far bone dessision? — Ebr. 5:13, 14