Come giutar quando sucede una desgràssia?

Ancoi vedemo cada volta de pi desgràssie. Quando sucede una desgràssia ghe vol giutar le persone de maniera organisada. Par quela, el Corpo Governante el ga dessidio che cada Betel gàpia un Departamento che el giuta quando ghen’è desgràssie.

Quando i fradei de questo departamento i vien a saver che ga sucedesto una desgràssia, lori i parla suito coi ansiani de quel posto par saver cossa che i predicadori i ga de bisogno. Se i predicadori no i ze boni de rangiar tuto nantra volta, Betel scòlie fradei qualificadi par organisar el aiuto. Questi fradei i pol domandar el aiuto de volontari o domandar robe che le persone le ga de bisogno. Lori i pol anca comprar le robe che i predicadori i ghe ocore par dopo mandarghe.

Parché che l’è bon far cossita? Parché se volemo far dela nostra maniera pol esser che butemo via soldi e materiai, ndemo laorar de pi de quel che ghe vol e ghen sarà confusion.

I fradei che Betel scòlie par far questo laoro i pol dessider quanti soldi e quanti volontari ghe vol par giutar. Lori i pol anca parlar cole autorità locai che tante volte le giuta a far pi svelto el laoro. Alora, no stà domandar soldi ai altri, mandar robe ale persone o viaiar fin quel posto se no te sì stà convidà a farlo.

L’è vera che amemo i fradei e, quando sucede una desgràssia, volemo giutarli. (Ebr. 13:16) Come che podemo giutarli? El pi importante l’è far orassion par quei che i ga passà par una desgràssia e anca par quei che li giuta. Podemo anca far donativi par la òpera mondial. El Corpo Governante el dà orientassion ai betei par giutarli a saver ndove i soldi i sarà ben doperadi. Se te vol giutar quando sucede una desgràssia, te pol far la Petição para Voluntário do Departamento Local de Projeto/Construção (DC-50).

VARDA EL VÌDEO DESTRUSSION PAR CAUSA DE TANTA PIOVA NEL BRASIL, E DOPO RISPONDI A QUESTA DOMANDA:

Cossa che te ga piasesto de pi nel aiuto che le Testimònie de Geovà le ga dato nel Brasil nel 2020?