BIBLIOTECA NELA INTERNET dela Tore de Vigia
BIBLIOTECA NELA INTERNET
dela Tore de Vigia
Talian
  • BÌBLIA
  • PUBLICASSION
  • RIUNION
  • wp21 No. 1 pàg. 8-9
  • Parché che Dio no’l risponde a tute le orassion?

No ghen'è vìdeo disponìbile par questa selession.

Scusa, ghen'è un sbàlio al sbassar el vìdeo.

  • Parché che Dio no’l risponde a tute le orassion?
  • La Sentinela che Proclama el Regno de Geovà (Pùblico) — 2021
  • Informassion someiante
  • El Privilègio de Far Orassion
    Cossa la Bìblia la Pol Insegnarne?
  • Prega a Dio e fà pi forte la to amicìssia con lu
    Te pol viver felice par sempre! — Un libro che el te giuta a capir la Bìblia
  • Parte 11
    Scolta a Dio
  • Geovà el scolta le nostre orassion
    La Sentinela che Proclama el Regno de Geovà (Stùdio) — 2023
Varda de pi
La Sentinela che Proclama el Regno de Geovà (Pùblico) — 2021
wp21 No. 1 pàg. 8-9

Parché che Dio no’l risponde a tute le orassion?

Geovà Dio, el nostro Pare nel cielo, el vol tanto scoltar le nostre orassion. Ma alora, parché che lu no’l risponde mia a tute le orassion? E cossa ne toca saver quando ndemo pregar? Ndemo veder cossa che la Bìblia la parla sora questo assunto.

Persone in ciesa drio leder le preghiere de un libro de orassion.

“Quando te fè orassion, no stà mia dir le medèsime parole una volta drio l’altra.” — Mateo 6:7.

Geovà no’l vol mia che femo orassion sempre cole medèsime parole, o che le ledemo de un libro de orassion. Lu el vol che parlemo quel che semo drio sentir. Te catarissi bel se un amigo tuo, sempre che el vien parlar con ti, el parlesse le medèsime parole drio man? Sicuro che nò! Veri amighi i ga caro de parlar un col altro sora i so sentimenti. Quando preghemo a Dio cole nostre pròpie parole sora quel che semo drio sentir, mostremo che volemo esser so amighi.

Un omo el varda in su intanto che el giuga nela loteria.

“Quando domandé, no ricevé mia, parché sì drio domandar cola motivassion sbaliada.” — Tiago 4:3.

Dio no’l ndarà mia risponder ale nostre orassion se ghe domandemo robe che lu no’l ghe piase mia. Par esémpio, la Bìblia la mostra che Dio no’l ghe piase quando una persona la vol sempre de pi e gnanca quando la se fida nela sorte. Alora, sarà che el ndaria risponder ala orassion de una persona che la ze drio pregar par gaver sorte nel giugo? (Isaia 65:11; Luca 12:15) Sicuro che nò! Se volemo che Dio el risponda ale nostre orassion, quel che noantri ghe domandemo ga de esser de acordo con quel che lu el insegna nela Bìblia.

Un prete el prega par un grupo de soldadi.

“Lu el òdia fin la orassion de quei che no i vol mia obedir ala so lege.” — Proverbi 28:9.

Nel passà, Dio no’l rispondea mia ale orassion de quei che no i obedia ale so lege. (Isaia 1:15, 16) E lu no’l ga mia cambià. (Malachia 3:6) Se volemo che Dio el risponda ale nostre orassion, ghemo de sforsarse par obedir ale so lege. Ma e se ghemo fato robe sbaliade nel passà? Sarà che Geovà mai el va scoltar le nostre orassion? Sicuro che el va! Dio el pol perdonarne se se fermemo de far quel che l’è sbalià e femo el nostro meio par far quel che l’è giusto. — Ati 3:19.

“Quei che i riva darente de lu i ga de creder che lu el esiste e che el ricompensa quei che i fà sforso par ndar in serca de lu.” — Ebrei 11:6.

Una dona drio leder la Bìblia.

No ghemo mia de pregar sol par sentirse meio quando semo drio infrontar dificoltà o semo preocupadi. Far orassion l’è una maniera de adorar a Dio e de mostrar che se fidemo in lu. Tiago el ga scrito che una persona che no la domanda con fede “no la pol spetar ricever gnente de Geovà”. (Tiago 1:6, 7) Par gaver fede in Dio, ghemo de torse el tempo par cognosserlo meio par meso dela Bìblia. Cossita, ndaremo saver cossa che lu el vol e ndaremo pregar con fede che el va risponderne.

NO STÀ MIA DESISTER!

L’è vera che Dio no’l risponde a tute le orassion, ma lu el scolta e el risponde ale orassion de milioni de persone. La Bìblia la mostra cossa podemo far par Dio scoltar le nostre orassion. El pròssimo artìcolo el va spiegar sora questo assunto.

    Publicassion in Talian (1993-2025)
    Va fora
    Va rento cola to conta JW.org
    • Talian
    • Mandar ai altri
    • Configurassion
    • Copyright © 2025 Watch Tower Bible and Tract Society of Pennsylvania
    • Condission par Doperar
    • Polìtica de Privacità
    • Configurassion de Privacità
    • JW.ORG
    • Va rento cola to conta JW.org
    Mandar ai altri