Proa Studiar De Pi

Sito drio doperar el Guia de Pesquisa das Testemunhas de Jeová par imparar ancora de pi dei versìcoli dela Bìblia?

Se te doperi el Guia de Pesquisa, te podarè imparar ancora de pi dela Bìblia. Par esémpio, te podarè capir cossa l’era drio suceder quando quel versìcolo l’è stà scrito, parché che l’è stà scrito e a chi che l’è stà scrito. Anca te pol capir cossa che una parola o una frase la vol dir.

In tute le tradussion dela Bìblia che ghen’è nela BIBLIOTECA ONLINE^™o nel JW Library^®, te pol strucar nel versìcolo che te vol capir meio. Alora, te vedarè le publicassion del Guia de Pesquisa che spiega sora quel versìcolo. Te pol catar la lista de queste publicassion nela banda drita dela tela.

In questa lista, i artìcoli pi novi i vegnarà par prima. Questi primi artìcoli i spiega le robe de una maniera pi ciara. Alora, stà atento de sempre vardar le ùltime informassion.

• Nela BIBLIOTECA ONLINE, la lista de publicassion del Guia de Pesquisa sempre la mostra le ùltime publicassion che le ze vegneste fora.

• Ma, nel JW Library, prima te ghè de sbassar el Guia de Pesquisa. Alora, struca nte un versìcolo dela Bìblia e nel desegno del diamante. Dopo, vegnarà fora nela tela quela lista de publicassion. Se nel scomìnsio dela lista ghen’è “Baixar agora”, vol dir che ghen’è publicassion pi nove, e te ghè de strucar lì par sbassarle.