Gheto fede?

Se volemo assar Geovà contento, ne ocore gaver fede. Ma la Bìblia la dise che “la fede no la ze una roba che tuti i ga”. (2 Tes. 3:2) Come cossita? Quando Paolo el ga dito le parole de questo testo lu l’era drio parlar sora quei che i seitea a vegnerghe contra, o sia, persone rugne. Ma quel che el ga dito sora la fede sucede anca con tuti. Par esémpio, ghen’è persone che no le crede mia che l’è stà Geovà che el ga creà tute le robe. (Rom. 1:20) Altri i crede che ghen’è stà un Creador. Ma, par gaver la vera fede, ghe ocore de pi che sol creder.

Par quela, ne ocore esser sicuri che ghen’è un Dio e che lu el benedisse tuti quei che i ga fede in lu. (Ebr. 11:6) Par gaver questa fede, ne ocore el spìrito santo de Dio. Come podemo ricever el spìrito santo? Ghemo de domandarlo a Geovà. (Luc. 11:9, 10, 13) Noantri anca ricevemo spìrito santo quando ledemo la Bìblia, ghe pensemo sora e metemo in pràtica quel che imparemo. Alora, assaremo che el spìrito santo de Geovà ne giute a far bone dessision nela vita e a gaver la vera fede. Se femo cossita, assaremo el nostro caro Pare contento.