Parecia el to cuor vanti de studiar la Bìblia

Quando studiemo la Bìblia, volemo che le robe che imparemo sora Geovà càmbie i nostri sentimenti, voie e pensamenti par meio. Esdra el ga dato un bel esémpio parché “el gavea parecià el so cuor par studiar la Lege de Geovà”. (Esd. 7:10) Come che anca ti te pol pareciar el to cuor?

Prega. Prima de scominsiar a studiar, prega a Geovà. Domandaghe che el te giute a capir e a meter in pràtica quel che te impari. — Sal. 119:18, 34.

Sìpia ùmile. Geovà no’l assa mia che quei che i ze orgoliosi o che i se fida in lori stessi i capissa la verità dela Bìblia. (Luc. 10:21) Alora, noantri no ghemo mia de studiar sol par mostrar ai altri che cognossemo tanto dela Bìblia. E quando capimo che no semo drio far qualcossa dela maniera giusta, volemo esser ùmili e cambiar quel che ne ocore.

Scolta un dei càntichi. Le mùsiche le pol tocar el nostro cuor e pareciarne par adorar a Geovà. Alora, se te scolti un càntico vanti de scominsiar a studiar la Bìblia, te ndarè pareciar ancora de pi el to cuor par imparar sora Geovà.