Ghen’è un governo de fidarse par el nostro pianeta? —Cossa la Bìblia la dise?

I governi de tuto el mondo i ze in confusion. Fin nei paesi che ne par che le robe le va ben, i governi i perde forsa par causa de robe stragne che sucede nela polìtica, dificoltà de scòlier i governanti, division nela polìtica e par causa del pòpolo che va contra i governi.

La Bìblia la dise che ghen’è un governo che l’è bon. Pol esser che te ghè belche sentio sora questo governo. Gesù Cristo el ga parlà de questo governo nela orassion del Pare Nostro.

• “Alora, gavé de pregar cossita: ‘Pare nostro che te sì nel cielo, santificà sìpia el to nome. Vegna el to Regno. Sìpia fata la to volontà, come nel cielo, anca nela tera.’” — Mateo 6:9, 10.

Cossa che la Bìblia la dise sora questo Regno?

El Regno — un governo de fidarse

El Regno el governa del cielo.

• Gesù el ga ciamà questo governo de “el Regno del cielo”. (Mateo 4:17; 5:3, 10, 19, 20) Par quela, lu el ga dito anca: “El me Regno no’l fà parte de questo mondo.” — Gioani 18:36.

El Regno el ndarà sostituir i governi umani.

• La Bìblia la dise: ‘Questo regno . . . el ndarà farli a tochi e el finirà tuti questi regni (umani), e sol lu el restarà par sempre.’ — Daniel 2:44.

El Regno, che Gesù Cristo el sarà el Rè, no’l sarà mai destruto.

• La Bìblia la dise: “La so autorità la ze de durassion eterna, che no ndarà finirse, e el so regno no’l sarà mia rovinà.” — Daniel 7:13, 14.

In questo Regno ghen sarà pace e seguransa in tuta la Tera.

• La Bìblia la dise: “Tuti i ndarà viver in pace, sentadi do soto la so vigna e soto el so figher, parché nissuni ndarà spaurarli.” — Michea 4:4, Nova Versão Transformadora.

Impara de pi sora el Regno

Quando Gesù l’era nela Tera, lu el ga doperà tanto dela so vita par ‘predicar le bone notìssie del Regno’. (Mateo 9:35) Lu el ga dito anca: 

• “Queste bone notìssie del Regno le sarà predicade in tuta la tera abitada in testimònio a tute le nassion, e alora vegnerà el fin.” — Mateo 24:14.

Ancoi, le bone notìssie del Regno le ze predicade in de pi de 240 paesi e teritori. Te piaseria imparar de pi sora questo governo e quel che el ndarà far par ti?

Varda el vìdeo Cossa che l’è el Regno de Dio?