Come esser felice in meso le dificoltà — Cossa la Bìblia la dise?

In questo mondo, l’è fadiga saver quel che vegnarà fora, e no semo boni de controlar quel che va suceder con noantri. Ma la nostra felicità no la vien mia sol de quel che sucede intorno de noantri. Tante volte, quel che fà de pi difarensa l’è quel che pensemo e femo. La Bìblia la dise che “quel che l’è alegre de cuor el ga sempre una festa”. (Proverbi 15:15) Cossa che podemo far par esser pi felici? Varda come che la Bìblia la pol giutarte.

Come darghene fora cola ansietà

La Bìblia la dise: “La ansietà la fà el cuor de una persona restar desanimà. Ma la parola bona la fà el cuor contento.” — Proverbi 12:25.

• La Bìblia la pol giutarte a no restar massa ansioso. Ledi i consili che la dà nel artìcolo “O que a Bíblia diz sobre a ansiedade?”

Come no sentirte ti sol

La Bìblia la dise: “Un vero amigo el ama tuto el tempo, e el deventa come un fradel quando ghen’è situassion difìcile.” — Proverbi 17:17.

• La Bìblia la ga consili che pol giutarte a no sentirte ti sol e a restar pi darente dei to amighi. Ledi el artìcolo “Se te te senti ti sol, fà amicìssie — Come la Bìblia la pol giutarte”.

Fà pi forte el to amor a Dio e ale persone

La Bìblia la dise: “Te ghè de amar a Geovà el to Dio con tuto el to cuor, con tuta la to ànima e con tuta la to mente . . . Te ghè de amar el to pròssimo come a ti stesso.”a — Mateo 22:37-39.

• Pregar pol giutarte a amar a Dio ancora de pi. Par capir meio, ledi el artìcolo “Sarà che Dio el scolta pròpio le nostre orassion?”

• Mostremo amor par i altri quando li tratemo come Gesù el ne ga insegnà. Par saver de pi, ledi el artìcolo “O que é a Regra de Ouro?”

Cossa càtito de imparar de pi sora come la Bìblia la pol giutarte a esser felice in meso le dificoltà? Te convidemo a far con noantri un curso dela Bìblia sensa pagar gnente.