L’è pecato giugar par soldi?

La risposta dela Bìblia

Anca se la Bìblia la parla poco sora questo assunto, i so prinsipi i ne fà capir che giugar par soldi l’è un pecato par Dio. — Efesi 5:17.a

• Dio el òdia quando le persone le vol sempre de pi. E tante volte, l’è par quela che le giuga. (1 Corinti 6:9, 10; Efesi 5:3, 5) Par una persona guadagnar, altra la ga de perder soldi. E la Bìblia la dise che l’è un pecato voler quel che l’è dei altri. — Ésodo 20:17; Romani 7:7; 13:9, 10.

• Giugar par soldi, fin se i ze pochi, pol far la persona scominsiar a amar i soldi. Questo sentimento pol farghe tanto mal.— 1 Timòteo 6:9, 10.

• Tante volte, quei che i giuga par soldi i se fida nele superstission o nela sorte. Ma par Dio, fidarse in queste robe l’è una maniera de praticar idolatria, che la va contra la adorassion che lu el aceta. — Isaia 65:11.

• La Bìblia la ne incoraia a laorar par guadagnar soldi, invesse de proar guadagnarli par gnente. (Eclesiasti 2:24; Efesi 4:28) La Bìblia la dise che le persone le ga de laorar par gaver quel che le ga de bisogno. — 2 Tessalonissensi 3:10, 12.

• Giugar par soldi pol far le persone gaver un sentimento de competission massa forte intrà de lore. E la Bìblia la dise che questo sentimento l’è sbalià e el ne fà mal. — Gàlati 5:26.