Nota

g (Marco 14:3-9) Lu l’era in Betània drio magnar nela casa de Simon, el leproso. Alora la ze rivada una dona con un pìcolo giaro fato de sasso bianco, o sia de alabastro, che el gavea òio perfumà rento. Questo òio l’era de puro nardo e el costea tanto. Ela la ga verto el giaro e la ga scominsià meter el òio sora la so testa. 4 Alora arquanti i ze restadi inrabiadi e i ga dito intrà de lori: “Parché che la ga butà via questo òio perfumà? 5 Parché se podaria vender questo òio perfumà par depi de 300 denari, e darghe i soldi ai poareti!” E lori i ze restadi tanto disgustadi con ela. 6 Ma Gesù el ghe ga dito: “Àssela star. Parché che valtri sì drio disturbarla. Ela la ga fato una roba tanto bona par mi. 7 Parché i poareti i sarà sempre qua e valtri podé farghe el ben sempre che volé, ma mi no sarò qua par sempre. 8 Ela la ga fato quel che la podea. Ela la ga metesto òio sora el me corpo parché la era belche drio pareciarlo par esser sepoltà. 9 Mi ve digo la verità: Quel che questa dona la ga fato el sarà ricordà par sempre in tuti i posti che le bone notìssie le sarà predicade.”