Nota

e (Luca 14:27-33) Se qualchedun el vol esser me seghidor, lu el ga de portar el so pal de tortura e far come mi. Se lu no’l fà questo, lu no’l pol esser me seghidor. 28 Par esémpio, quando qualchedun el vol far su una tore, vanti el se senta e el pensa quanto el va guastar par veder se el ga i soldi par finir el laoro, mia vera? 29 Senò, el podaria far el fondamento e dopo no esser mia pi bon de finirla. Quei che i lo varda i podaria riderghe drio 30 e i podaria dir: ‘Questo omo el ga scominsià a far su la tore ma no l’è stà mia pi bon finirla.’ 31 O metemo dir che un rè che el ga 10.000 soldadi el ga de lotar contra nantro rè che el ga 20.000 soldadi. L’è sicuro che vanti de lotar el se senta do e el domanda consili dei altri par saver se lu l’è bon de vinser la guera, mia vera? 32 Alora, se lu el vede che no’l sarà bon de lotar, intanto che quelaltro rè l’è ancora distante el manda òmini par rapresentarlo e far un acordo de pace. 33 Anca, valtri podé esser sicuri che nissun pol esser me dissìpolo sensa prima abandonar tute le so robe materiai.