Nota

h (1 Samuel 25:23-28) 23 Quando Abigail la ga visto Davi, suito la ga montà do del musso e la se ga trato cola fàcia par tera davanti a lu. 24 Indenociada davanti dei pié de Davi, la ga dito: “Me signor, che la colpa la vegna sora mi. Assa la to schiava parlar e scóltame. 25 Par piaser, me signor, no stà badar Nabal. Lu l’è un omo che no’l val gnente e el ga pròpio el nome che el mèrita. El ga nome Nabal e lu l’è un stùpido. Ma mi, la to schiava, no go visto i òmini che te ghè mandà, me signor. 26 Me signor, cossita come son sicura che Geovà el vive e ti te vivi, son sicura che l’è stato Geovà che el te ga fermà de far giustìssia come che te volea ti e no’l te ga fato gaver colpa de sangue. Mi vui che i to nemighi e quei che i vol farte mal i devente come Nabal. 27 Adesso, daghe questo presente che mi te go portà ai òmini che i ze insieme del me signor. 28 Par piaser, perdona el sbàlio dela to schiava. Sicuro che Geovà el farà che i to dissendenti i governe par tanto tempo parché te sì drio lotar nele guere de Geovà e te ghè fato quel che l’è giusto tuta la to vita.