Nota

h (Mateo 25:31-36) Quando el Fiol del omo el ndarà vegner nela so glòria, e insieme de lu tuti i àngeli, alora lu el ndarà sentarse ntel so trono de glòria. ³² Tute le persone dele nassion le sarà riunide davanti de lu, e lu ndarà spartirle in due grupi, come el pastor el spartisse le piégore dele cavre. ³³ E el ndarà meter le piégore ala so drita, ma le cavre ala so sanca. ³⁴ El Rè el ndarà dir a quei dela so drita: ‘Vegné valtri, che sì benedidi par el me Pare. Podé ereditar el Regno che l’è stà parecià par valtri del scomìnsio del mondo fin ancoi. ³⁵ Parché go bio fame e valtri me gavé dato qualcossa par magnar. Mi go bio sen e valtri me gavé dato qualcossa par bever. Mi ero un foresto e valtri me gavé ricevesto tanto ben. ³⁶ Mi ero nudo e valtri me gavé dato robe par meter su. Mi son restà malà e valtri me gavé tendesto. Mi ero in preson e valtri sì vegnesti visitarme.