Nota

d (Luca 24:18-27) Quel che l’era ciamà de Cleopas el ghe ga rispondesto: “Ma come che no te sè mia dele robe che ga sucedesto là in questi giorni? Sito un foresto e te vivi ti ti sol in Gerusalen?” ¹⁹ Lu el ghe ga domandà: “De che robe sito drio parlar?” I ga rispondesto: “Le robe sora Gesù, el Nasareno, che l’è stà un profeta che el parlea e el fea tante robe con poder davanti de Dio e dela gente. ²⁰ I nostri prinsipai sasserdoti e i nostri lìderi i ga mandà che i lo copesse e i lo pichesse nel pal. ²¹ Ma noantri speteino che questo omo el fusse quel che ndaria libertar Israel. E anca, questo l’è el terso giorno dopo che ga sucedesto tute queste robe. ²² E semo restadi spaventadi parché arquante done intrà de noantri le ze ndate bonora ala tomba. ²³ Dopo le ze tornade ma no le ga catà el corpo de Gesù. Le ze tornade e le ga dito che le ga bio una vision de àngeli che i ghe ga dito che Gesù l’era vivo. ²⁴ Alora, arquanti de quei che i era con noantri i ze ndati ala tomba e i ga visto che quel che le done le gavea dito l’era pròpio sucedesto, ma no i ga mia visto Gesù.” ²⁵ Cossita, lu el ghe ga dito: “Come che fé fadiga capir e creder in tuto quel che i profeti i ga parlà! ²⁶ Savei mia che el Cristo el gavea de sofrir queste robe par ricever la so glòria?” ²⁷ E, scominsiando de Moisè e fin tuti i Profeti, el ghe ga spiegà le cose sora lu stesso in tute le Scriture.