Nota

c (Luca 5:5-11) Ma Simon el ghe ga dito: “Istrutor, noantri ghemo laorà tanto tuta la note e no ghemo ciapà gnente. Ma, come ti te ne ghè domandà, ndemo molar le rede.” ⁶ Dopo che i ga fato questo, i ga ciapà tanti pessi nele so rede che le ga scominsià a sbregarse. ⁷ Alora, i ga ciamà quei che i laorea insieme nel altro barco che i ndesse darente par giutarli. Dopo che i ze vegnesti, lori i ga impienio i due barchi. Par quela, i ga scominsià a sfondarse. ⁸ Quando Simon Piero el ga visto questo, el se ga indenocià davanti de Gesù e el ghe ga dito: “Signor, mi no mèrito esser darente de ti parché mi son pecador.” ⁹ Infati, lu e quei che i era insieme con lu i ze restadi pròpio sorpresi parché i gavea ciapà tanti pessi. ¹⁰ Anca quei che i laorea insieme con Simon, che i era Tiago e Gioani, i fioi de Zebedeo, i ze restadi sorpresi. Ma Gesù el ga dito a Simon: “No stà gaver paura. De qua avanti te ndarè pescar òmini.” ¹¹ Cossita, i ga menà indrio i barchi, i ga assà tuto indrio e i lo ga seghio.