Nota

b (Marco 3:1-6) Lu l’è ndato rento ala sinagoga nantra volta e lì ghen’era um omo cola man desgrassiada. ² Alora, le persone le era atente se lu ndaria curar quel omo nel sabo, parché le volea acusarlo. ³ Gesù el ga dito par el omo cola man desgrassiada: “Levate su e vien qua in meso.” ⁴ Dopo, lu el ga domandà a quele persone: “De acordo cola Lege, nel sabo se pol far el ben o far el mal, salvar una vita o copar?” Ma lori i ze restadi siti. ⁵ Gesù l’è restà tanto cativo e disgustà parché no ghe fea pecà a lore veder quel omo cossita. Alora, el ga dito al omo: “Stira la to man.” Lu la ga stirada e l’è stà curà. ⁶ I farisei i ze ndati via, e suito i se ga metesti de acordo con quei che i era dela banda de Erode par copar Gesù.