LESSION 33
Cossa che el Regno de Dio el ndarà far?
El Regno de Dio l’è belche drio governar nel cielo e presto el ndarà scominsiar a cambiar le robe qua nela Tera. Vedemo arquante robe che questo Regno el ndarà far.
1. Come ghen sarà pace e giustìssia nela Tera par meso del Regno de Dio?
Gesù, el Rè del Regno de Dio, el ndarà finir fora coi governi dei òmini nela guera del Armagedon. (Apocalisse 16:14, 16) Gesù el ndarà finir fora anca cole persone rugne. Cossita, ndarà realisarse quel che la Bìblia la dise: ‘Nantro poco, e i rugni no i ghen sarà pi.’ (Salmo 37:10) Gesù el ndarà governar tuta la Tera e ghen sarà pace e giustìssia. Lu el ndarà far questo par meso del Regno de Dio. — Ledi Isaia 11:4.
2. Come che sarà la vita quando el Regno de Dio governar la Tera?
Proa imaginar come saria viver nte un mondo che tute le persone le ze bone, giuste e che le ama a Dio e una al’altra. Quando el Regno de Dio el governar la Tera, la vita la sarà cossita parché la Bìblia la dise che i giusti i ndarà viver qua par sempre. (Salmo 37:29) Nissun pi restarà malà e tuti i ndarà viver par sempre.
3. Cossa che el Regno de Dio el ndarà far dopo de finir fora coi rugni?
Dopo che i rugni i sarà destruti, Gesù e i 144 mila i ndarà governar par mila ani. In questi mila ani, lori i giutarà le persone a deventar perfete. Dopo de questo, tuta la Tera la sarà un paradiso e tute le persone le viverà felice parché le sarà drio obedir ale lege de Dio. Cossita, el nome Geovà el sarà santificà come mai l’è stà vanti. (Mateo 6:9, 10) Tuti i sarà pròpio sicuri che Geovà l’è el Governante che el ghe vol ben ale persone. Geovà el ndarà anca finir fora con Sàtana, i demoni e le persone che no le volerà mia obedirlo. (Apocalisse 20:7-10) Par causa del Regno de Dio, tuti i gavarà una bela vita e i viverà par sempre.
IMPARA DE PI!
Dio el ndarà doperar el so Regno par realisar le promesse dela Bìblia sora el futuro. Parché che podemo esser sicuri de questo?
4. El Regno de Dio el ndarà finir fora coi governi dei òmini
La Bìblia la dise che le persone le sofre quando le proa governar a lore stesse. (Eclesiasti 8:9) Geovà el ndarà doperar el so Regno par finir con tute le ingiustìssie.
Ledé Daniel 2:44 e 2 Tessalonissensi 1:6-8, e dopo, parlé sora questo:
Cossa che Geovà e Gesù i ndarà far coi governi che ghen’è ancoi e con quei che i ghe va drio?
De acordo con quel che te ghè imparà, parché te pol esser sicuro che Geovà e Gesù i ndarà giulgar con giustìssia?
5. Gesù l’è un Rè perfeto
Come Rè del Regno de Dio, Gesù el ndarà far tante robe bone par giutar tute le persone dela Tera. Vardé el VÌDEO. Questo vìdeo el ndarà mostrar che Gesù el vol giutar le persone e che Geovà el ghe ga dato poder par farlo.
Quando imparemo quel che Gesù el ga fato quando l’era qua nela Tera, anca imparemo sora quel che el ndarà far nel futuro. Che robe che parla qua sito premoso de veder? Ledé i testi dela Bìblia che i parla de pi de queste benedission.
QUANDO L’ERA NELA TERA, GESÙ . . . |
DEL CIELO, GESÙ EL NDARÀ . . . |
|---|---|
|
|
|
|
|
|
|
|
6. Par meso del Regno de Dio, tuti i gavarà una bela vita nel futuro
Geovà el ga sempre volesto che le persone le vivesse par sempre nte un paradiso qua nela Tera. Par causa del Regno de Dio, questo el ndarà suceder. Vardé el VÌDEO par veder come Geovà el ndarà realisar par meso de Gesù quel che el ga prometesto.
Ledé Salmo 145:16, e dopo, parlé sora questo:
Geovà el ndarà dar ale persone tuto quel che lore le vol. Come te te senti de saver de questo?
FURSI TE GHÈ BELCHE SCOLTÀ: “Se tuti i fesse polito, el mondo el saria pròpio meio.”
Che robe sol el Regno de Dio el sarà bon de far?
COSSA CHE TE GHÈ IMPARÀ?
Par meso del so Regno, Dio el ndarà far tuto quel che el ga sempre volesto qua nela Tera. Lu el ndarà far dela Tera un paradiso e le persone bone le ndarà adorarlo e viver par sempre.
Sito bon de ricordarte?
Come el Regno de Dio el ndarà santificar el nome de Geovà?
Parché podemo esser sicuri che el Regno de Dio el ndarà realisar tute le promesse dela Bìblia?
Tante bele robe le ndarà suceder par meso del Regno de Dio. Cossa che te sì pi premoso de veder?
VUTO SAVER DE PI?
Cossa che l’è el Armagedon?
“Cossa che la ze la guera del Armagedon?” (Varda nel jw.org)
Cossa che ndarà suceder nel tempo che Gesù el ga ciamà de “granda tribolassion”? — Mateo 24:21.
“Cossa che la ze la granda tribolassion?” (Varda nel jw.org)
Varda come le fameie le pol imaginarse nel Paradiso.
Nel artìcolo “Mi restea preocupà con tante domande”, varda cossa ga giutà un omo che el volea cambiar el governo del paese.
“La Bìblia la càmbia la vita dele persone” (La Sentinela, 1 de genaro de 2012)