LESSION 1

Come scominsiar ben

Ati 17:22

COSSA CHE TE GHÈ DE FAR: Par scominsiar la conversassion, parla de qualcossa che assa le persone interessade, che assa ciaro quel che te vè parlar e móstraghe parché che l’è importante.

COME CHE TE POL FARLO:

Assa le persone interessade in quel che te vè dir. Fà una domanda, conta una speriensa de vita, parla de una notìssia, del tempo o de altre robe che le ze interessante par le persone.

Quando te vè pareciarte, pensa nele persone con chi te vè parlar e quale che le ze le so preocupassion. Alora parla sora queste robe.
Assa ciaro sora quel che te vol parlar. Le persone le ga de capir sora quel che te sì drio parlar e parché.
Móstraghe parché che l’è importante quel che te sì drio dir. Parla sora qualcossa che pol giutar le persone. Faghe veder come quel che te sì drio parlar pol giutarle nela so vita.

Intanto che te sì drio pareciarte un discorso, domàndate: “Che problemi i ze drio infrontar i fradei e le sorele dela me congregassion?” Alora, scomìnsia el discorso parlando de quel che lori i ga de bisogno.