LESSION 5

Come leder ben

1 Timòteo 4:13

COSSA CHE TE GHÈ DE FAR: Ledi el testo pròpio come che l’è scrito.

Paréciate ben. Pensa parché che quele parole le ze state scrite. Ledi diverse parole insieme invesse che leder una parola ala volta. Stà atento par no leder parole de pi o de manco e gnanca trucar le parole. Rispeta le vìrgole, i punti finai e i punti de interogassion.

Domàndaghe a un amigo che el te scolti intanto che te ledi e che el te dise quale parole te ghè ledesto sbalià.
Parla tute le parole dela maniera giusta. Se ti no te sè come che se dise una parola, scolta el àudio de una publicassion o domàndaghe aiuto a qualchedun che el sa leder ben.
Parla de maniera ciara. Pronunsia ben tute le parole, tegni la testa alta e verdi ben la boca. Sfòrsate de pronunsiar tute le sìlabe.

Ledi le parole dela medèsima maniera che te parli tuti i di.