LESSION 7

Come doperar informassion giuste e convinsente

Luca 1:3

COSSA CHE TE GHÈ DE FAR: Dopera informassion esate e vere par giutar le persone a rivar ala conclusion giusta.

Va in serca e dopera informassion che se pol fidarse. Quel che te parli el ga de esser de acordo cola Bìblia e sempre che te pol ledi drito nela Bìblia. Se te doperi una informassion sientìfica, una notìssia, una stòria o nantra informassion, sempre te ghè de veder che la sìpia giusta e vera.
Dopera ben le fonte de informassion. Spiega el testo de acordo con quel che dise la Bìblia e le publicassion del “schiavo fedele e prudente”. (Mateo 24:45) Se ti te doperi nantra fonte de informassion, dopérala ben e rispeta quel che el scritor el volea dir.

No stà mia dir de pi de quel che l’è. Stà atento che dir “qualche persona” l’è difarente de dir “la pi granda parte dele persone”; dir “dele volte” l’è difarente de dir “sempre”; e dir “fursi” l’è difarente de dir “sicuro che”.
Dopera le informassion par rassiossinar cole persone. Dopo che te ghè ledesto un testo o te ghè mensionà una informassion, fà domande e esempi par giutar le persone a rivar ala conclusion giusta.