Tuta la tera la parlea una sol léngua

Génesi 11:1-4, 6-9

Nela Tore de Babel, Geovà el ga confundio le léngue dele persone che no ghe obedia e lore le se ga spaiade par la Tera. Ancoi, Geovà l’è drio unir persone de tuto el mondo e de tute le léngue. Lu l’è drio darghe una “léngua pura” cossita lore le pol “ciamar el nome de Geovà” e servir a Lu unidi. (Sofonia 3:9; Apocalisse 7:9) Questa “léngua pura” la ze la verità sora Geovà che la ze nela Bìblia e sora quel che lu el vol far.

Quando semo drio imparar una nova léngua, noantri no ghemo sol de saver le parole nove. Noantri ghemo de imparar a pensar de una maniera difarente. Dela medèsima maniera, quando imparemo la léngua pura dela verità, ghemo de cambiar la nostra mente. (Romani 12:2) Questo no’l sucede del giorno par la note, ghe vol tempo e sforso. Cossita, el pòpolo de Geovà el restarà cada volta de pi unido. — 1 Corinti 1:10.