Cossa che podemo imparar dela speriensa dei fradei de pi età?

Nela nostra congregassion, ghemo fradei che i serve a Geovà fà tanti ani. Ghemo tanto de imparar dela confiansa che lori i ga in Geovà. Podemo domandarghe sora come che la era la organisassion e sora le dificoltà che i ze stati boni de infrontar col aiuto de Geovà. Anca, podemo convidarli par far insieme la adorassion in fameia e domandar che i ne conte le so speriense.

Sito una persona con tanta speriensa? Alora, contaghe ai pi gióveni come che Geovà el te ga giutà. Giacò e Giusepe i contea ala so fameia quel che Geovà el gavea fato par lori. (Gén. 48:21, 22; 50:24, 25) Anca, Geovà el ga mandà che i paroni de fameia i ghe contesse ai so fioi de tute le grande òpere che lu el gavea fato. (Deu. 4:9, 10; Sal. 78:4-7) Ancoi, i genitori e i fradei dela congregassion i pol contarghe ai pi gióveni le bele robe che Geovà el ga fato par meso dela so organisassion.

VARDA EL VÌDEO UNION IN MESO LA PERSEGHISSION, E DOPO RISPONDI A QUESTE DOMANDE:

• Come che la filial dela Àustria la ga giutà i nostri fradei nei paesi ndove che la nostra òpera la era proibia?

• Cossa che i fradei de questi paesi i ga fato par mantegner forte la so fede?

• Parché che tanti predicadori dela Roménia i ga assà la organisassion de Geovà? E come che i ga fato par tornar ala organisassion?

• Come che la stòria de questi fradei la fà pi forte la to fede?