Stà atento par no passar avanti busie

Ancoi, le informassion le riva presto par meso dei giornai, dele ràdio, dela television e dela internet. Ma quei che i adora Geovà, “el Dio dela verità”, i stà atenti par no passar avanti informassion false, anca sensa farlo aposta. (Sal. 31:5; Éso. 23:1) Passar avanti informassion che le ze false pol far tanto mal a altre persone. Se ti no te sì mia sicuro che la informassion la ze vera o nò, domandate:

• ‘De ndove che la vien questa informassion?’ Pol esser che quel che el te ga passà questa informassion no’l sà mia de tuti i detali. Quando le persone le passa informassion a altre pol esser che le càmbia una s-ciantina dela stòria. Quei che i ga privilegi nela congregassion i ga de esser ancora pi atenti de nò passar informassion sbaliade ai altri.

• ‘La informassion la va rovinar la reputassion dela persona?’ Se quel che te ghè sentio el va far i altri pensar mal dela persona, l’è meio gnanca contar questo ai altri. — Pro. 18:8; Fil. 4:8

• ‘La stòria la ga sucedesto pròpio?’ Stà atento quando te senti una stòria o una speriensa che la par esser de pi de quel che l’è.

VARDA EL VÌDEO NO STÀ PARLAR MAL DEI ALTRI , E DOPO RISPONDI A QUESTE DOMANDE:

• 

  De acordo con Proverbi 12:18, le nostre parole le pol esser compagno a cossa?

• 

  Come che el testo de Filipensi 2:4 el ne giuta a pensar ben vanti de parlar qualcossa dei altri?

• 

  Cossa che ghemo de far quando qualchedun el scomìnsia a tor in giro o parlar de una persona de maniera maldosa?

• 

  Vanti de parlar de una persona, che domande te ghè de farte?