Publicassion par pareciarse par la Riunion Vivemo e Insegnemo
Idee par parlar sora la Bìblia
Tuta la Scritura la ze ispirada par Dio e la ze bona par insegnar, par coreger, par indrissar le cose e par dissiplinar con giustìssia. 17 Cossita el omo de Dio el sarà bon de far tuto, del tuto parecià par tuti i boni laori.
Lu el fà che ghen sìpia el cielo nel vodo e el fà che no ghen sìpia gnente par tegner la tera.
6-12 DE SETEMBRE
LESSION PRESSIOSE DELA BÌBLIA | DEUTERONÓMIO 33-34
“Va in serca de protession nei brassi de Geovà”
Perspicaz vol. 2 pàg. 77 paràg. 11
Gesurun
L’era un nome che dea onor a Israel. Nele prime tradussion dele Scriture par la léngua greca, el nome “Gesurun” mostrea afession e l’è stà tradusio come “amà”. Questo nome fea i israeliti ricordarse che i gavea fato un acordo con Geovà e, par quela, i gavaria de seitar a esser giusti. — Deu. 33:5, 26; Isa. 44:2
Adoração Pura pàg. 120 quadro 10C paràg. 2
Aiuto par alsarse
Geovà nò sol el ga el poder de giutar i so servi, ma lu anca el vol far questo. (Deu. 33:27) Se ndemo in serca del aiuto de Geovà quando semo drio infrontar dificoltà podemo fidarse che lu el ndarà meter ‘i so brassi soto de noantri’ e ndarà giutarne de maniera amorosa a alsarse e restar in pié. — Eze. 37:10
Sentinela 15/09/11 pàg. 19 paràg. 16
Ghemo de corer con perseveransa
16 Compagno ga sucedesto con Abraon, Moisè no’l ga visto le promesse de Dio suceder. Quando i israeliti i era quasi drio ndar rento la Tera Prometesta, Geovà el ghe ga dito a Moisè che lu sol vederia la tera de distante ma no’l ndaria rento la tera. Invesse de restar disgustà, Moisè el ga benedio el pòpolo. — Deu. 33:29
Va in serca de lession pressiose dela Bìblia
Perspicaz vol. 2 pàg. 405 paràg. 3
Moisè
Moisè el gavea 120 ani de età quando l’è morto. Geovà lo ga sepoltà sensa che nissuni mai savesse ndove. Fursi, lu el ga fato questo par no assar che i israeliti i scominsiesse a praticar la adorassion falsa doperando el sepolcro de Moisè come un posto de adorassion. (Deu. 34:5-7) Pol esser che el Diaol el volea doperar el corpo de Moisè par la adorassion falsa. — Giuda 9
13-19 DE SETEMBRE
LESSION PRESSIOSE DELA BÌBLIA | GIOSUÈ 1-2
“Tuto quel che te fè ndarà ben”
Sentinela 15/01/13 pàg. 8 paràg. 7
Sìpia coraioso parché Geovà el sarà con ti!
7 Se volemo gaver coraio par far la volontà de Dio, ghemo de studiar la so Parola e meter in pràtica quel che imparemo. Quando Giosuè l’è restà nel posto de Moisè par guidar el pòpolo, lu el ga ricevesto questo consìlio. Geovà el ghe ga dito: “Sìpia coraioso e tanto forte e obedissi a tuti i comandamenti dela Lege che Moisè, el me servo, el te ga dato. . . . Te ghè de parlar sempre sora quel che l’è scrito nel libro dela Lege, léderlo e pensarghe sora di e note. Cossita te sarè bon de obedir a tuto quel che l’è scrito. Alora, tuto quel che te fè ndarà ben”. (Giosuè 1:7, 8) Giosuè el ga fato pròpio come Geovà el ghe ga dito de far e ‘tuto quel che el ga fato l’è ndà ben’. Se femo compagno a Giosuè, gavaremo ancora pi coraio e saremo boni de far el nostro meio nel laoro de Dio.
Sentinela 15/01/13 pàg. 11 paràg. 20
Sìpia coraioso parché Geovà el sarà con ti!
20 Noantri infrontemo tante dificoltà in questo mondo bruto e pien de problemi e, par quela, l’è fadiga far tuto quel che Geovà el ghe piase. Magari, no semo mia soli parché Dio e el so Fiol, che el ga la autorità sora la congregassion, i ze con noantri. Anca, semo in de pi de 7 milioni de Testimònie de Geovà in tuto el mondo e insieme seitemo a dimostrar la nostra fede e a parlar dele bone notìssie.
Va in serca de lession pressiose dela Bìblia
Sentinela 01/12/04 pàg. 8 paràg. 6
Punti interessanti del libro de Giosuè
Giosuè 2:4, 5 — Parché che Raabe la ga dato una informassion sbaliada ai òmini del rè che i era in serca dei spioni? Raabe la gavea fede in Geovà e, par quela, la ga metesto in rìscio la so vita par proteger i spioni. I òmini del rè i volea farghe mal al pòpolo de Dio, alora, ela no la gavea mia de contarghe ndove i era i spioni. (Mat. 7:6; 21:23-27; Gioani 7:3-10) Par meso de quel che la ga fato, imbroiar i òmini del rè, la Bìblia la dise che ela la ze giusta. — Tiago 2:24-26
20-26 DE SETEMBRE
LESSION PRESSIOSE DELA BÌBLIA | GIOSUÈ 3-5
“Geovà el ne benedisse quando dimostremo la nostra fede”
Perspicaz vol. 2 pàg. 139 paràg. 10
Giordon
Nela època dela inondassion, l’era pròpio pericoloso che tuti i òmini, done e tosatei israeliti i passesse in meso el rio Giordon, pedo ancora se fusse nela parte del rio darente de Gericò. La àqua la passa lì con tanta forsa che la ga belche portà via arquante persone. Ma, Geovà el ga fato un miràcolo e el ga fermà la àqua del Giordon. Cossita, i israeliti i ga podesto ndar fin l’altra banda del rio in meso la tera suta. — Giosuè 3:14-17
Sentinela 15/09/13 pàg. 16 paràg. 17
Obedissi de volentiera ale orientassion de Geovà
17 Geovà el gavea dito ai sasserdoti che i portea la Arca del Acordo che lori i gavaria de passar in meso el rio Giordon. Ma, quando i ze rivadi darente el rio, el pòpolo el ga visto che l’era pien de àqua parché lì piove tanto nela primavera. Cossa che lori i ga fato? Sarà che lori i ga metesto el so acampamento darente el rio e i ga spetà arquante stimane o mesi fin che ghen fusse manco àqua nel rio? Nò, lori i se ga fidà del tuto in Geovà e i lo ga obedio. (Giosuè 3:12-17) L’è stà una roba de gnanca creder veder quel rabalton de àqua fermarse de colpo! Sicuro che la fede dei israeliti in Geovà la ze restada pi forte parché lori i se ga fidà nele so orientassion.
Sentinela 15/09/13 pàg. 16 paràg. 18
Obedissi de volentiera ale orientassion de Geovà
18 Nei nostri giorni, Geovà no’l fà questi miràcoli, ma lu el benedisse i so servi quando lori i dimostra che i ga fede in lu. Dio el ne dà la forsa che ghemo de bisogno par esser boni de predicar el messàgio del Regno in tuto el mondo. (Mat. 28:19, 20) Tante Testimònie de Geovà che le ga vergogna de parlar coi altri le sente che el spìrito santo le giuta a gaver coraio de predicar fin ale persone che no le cognosse mia. — Ledi Salmo 119:46; 2 Corinti 4:7
Va in serca de lession pressiose dela Bìblia
Sentinela 01/12/04 pàg. 9 paràg. 1
Punti interessanti del libro de Giosuè
Giosuè 5:14, 15 — Chi che l’era el paron del esèrsito de Geovà? El paron del esèrsito de Geovà l’è ndà incoraiar Giosuè quando lu l’era drio scominsiar a ndar rento la Tera Prometesta. Questo paron l’era “la Parola”, el pròpio Gesù Cristo, vanti de vegner ala Tera. (Gioani 1:1; Dan. 10:13) Anca ancoi semo incoraiadi de saver che el glorificà Gesù l’è insieme al pòpolo de Dio.
27 DE SETEMBRE–3 DE OTOBRE
LESSION PRESSIOSE DELA BÌBLIA | GIOSUÈ 6-7
“No stà acetar quel che no’l ga mia valor”
Sentinela 15/04/10 pàg. 21 paràg. 5
No stà vardar quel che no’l val mia gnente!
5 Dio el gavea ordinà che i israeliti i gavaria de finir fora con tute le robe che ghen’era rento la cità de Gericò, sol poche robe le gavaria de esser portade al tesoro de Geovà. Ma dopo che i israeliti i ze ndati rento la cità, Acan el ga visto arquante robe e el ga volesto ciavarle. Par quela, i israeliti i ga perso la guera nela cità de Ai e tanti de lori i ze morti. Ma Acan el ga dito che el gavea sbalià sol dopo che i lo ga acusà. Lu l’è stà rovinà insieme a tuto quel che el gavea, parché el ga vardà e el ga volesto quel che l’era proibio. — Giosuè 6:18, 19; 7:1-26
Sentinela 15/08/97 pàg. 28 paràg. 2
Cossa far se vegnemo a saver de qualche roba sbaliada?
Noantri ghemo de parlar dele robe sbaliade che vegnemo a saver parché questo giuta la congregassion a mantegnerse pura. Geovà l’è un Dio puro e santo. Alora, lu el vol che tuti quei che i lo adora anca i sìpie puri e santi nela so adorassion e in quel che i fà. La so Parola, la Bìblia, la ne dise: “Compagno a fioi obedienti, no sté assar che la vostra voia che valtri gavei vanti de cognosser a Dio la seite moldarve, ma, gavé de esser santi in tuta la vostra condota, compagno del Santo che el ve ga ciamà, parché l’è scrito: ‘Gavé de esser santi, parché mi son santo.’” (1 Pie. 1:14-16) Quando qualchedun el seita a far robe sbaliade o qualcossa impura, questo pol far restar impura tuta la congregassion, e cossita, no la gavarà pi le benedission de Geovà. Lu sol el tornarà a benedir la congregassion se la persona che la ga fato el pecato la se ferma de farlo o se la ze parada via dela congregassion. — Vedi Giosuè, capìtolo 7.
Sentinela 15/04/10 pàg. 21 paràg. 8
No stà vardar quel che no’l val mia gnente!
8 Pol esser che anca i seghidori de Gesù i gàpie qualche voia sbaliada. Par quela, la Parola de Dio la dise che ghemo de sforsarse par controlar quel che vardemo e quel che volemo. (1 Cor. 9:25, 27; ledi 1 Gioani 2:15-17.) Giò l’era un servo fedele de Dio e el savea che quando vardemo qualcossa podemo scominsiar a volerla. (Giò 31:1) Lu l’era dessidio a mai tocar una dona par far qualcossa sbaliada e gnanca el pensea nte una roba cossita. Gesù el ga dito che l’è tanto importante no pensar in robe sbaliade: “Quel che el seita vardar una dona fin gaver passion par ela, el ga belche fato adultèrio con ela nel so cuor.” — Mateo 5:28
Va in serca de lession pressiose dela Bìblia
Sentinela 15/11/15 pàg. 13 paràg. 2-3
Domanda dei letori
I studiosi de robe antighe i ga catà tanto magnar nel posto ndove l’era la antiga cità de Gericò. Una revista de studiosi la dise che là ghen’era seràmica e tanti grani. Saria normal catar in quel posto un o due giari de grani, ma catar tanti grani cossita no l’è mia normal.
Questo vol dir che el esèrsito de Israel l’è restà poco tempo intorno dela cità de Gericò, pròpio come la Bìblia la dise.
4-10 DE OTOBRE
LESSION PRESSIOSE DELA BÌBLIA | GIOSUÈ 8-9
“Cossa che podemo imparar coi gibeoniti?”
Perspicaz vol. 1 pàg. 1057 paràg. 7
Gibeon
Quando i ga parlà con Giosuè. Ancora che i gibeoniti i gavesse un esèrsito forte e una granda cità, lori no i ga fato come i altri cananei. Lori i savea che se i fusse contra i israeliti, no i saria boni de vinserli parché Geovà el lotea par protegerli. Cossita, dopo che le cità de Ai e Gericò le ze state finide fora, i gibeoniti i ga mandà arquanti òmini a Gilgal par parlar con Giosuè e domandar che ghen fusse pace intrà de lori. I rapresentanti dei gibeoniti i portea odri de vin roti, sachi sbregadi, pan seco e sfregolà e i se ga metesto su robe vècie. I ga dito che i era vegnesti de distante e che el so posto de star no’l fea parte dela Tera Prometesta. Lori i savea de quel che Geovà el gavea fato nel Egito e contra i rè amorei Sìon e Oghe. Ma lori i ze stati furbi e no i ga dito gnente sora Gericò e Ai parché, come i gavea dito che el so posto de star l’era tanto distante, no i gavaria podesto saver de questo vanti che i fusse ndati via. I rapresentanti de Israel i ga scoltà tuto quel e i ga credesto. Cossita, i ga fato un acordo de no coparli. — Giosuè 9:3-15
Sentinela 15/11/11 pàg. 8 paràg. 14
‘No stà fidarte nel to pròpio saver’
14 Tuti noantri semo imperfeti, alora, ghemo de ricordarse sempre de ndar in serca dela orientassion de Geovà vanti de far dessision. Questo l’è importante anca par i ansiani con speriensa. Giosuè e i altri ansiani i ga fato un acordo de pace coi gibeoniti sensa parlar con Geovà vanti. Geovà el ga acetà quel acordo, ma lu el ga volesto che fusse stà scrito nele Scriture che lori i ga sbalià parché no i ze ndati in serca dela so orientassion. — Giosuè 9:3-6, 14, 15
Sentinela 15/10/04 pàg. 18 paràg. 14
“Va intorno el paese”
14 Geovà el ga mostrà che el acetea i gibeoniti quando li ga assadi ciapar àqua e legna par el pòpolo e par i sacrifissi nel altar de Geovà. (Giosuè 9:11-27) I gibeoniti i era sempre pronti par far laori ùmili nel servìssio a Geovà. Pol esser che arquanti de questi gibeoniti i fusse intrà i netinei che i ze tornadi de Babilònia e i ga laorà nel témpio quando l’è stà fato su nantra volta. (Esd. 2:1, 2, 43-54; 8:20) Podemo far compagno ai gibeoniti se femo sforsi par seitar in pace con Dio e se semo sempre pronti de far fin laori pi ùmili nel servìssio a Geovà.
Va in serca de lession pressiose dela Bìblia
Perspicaz vol. 2 pàg. 625 paràg. 5
Picar su
De acordo cola Lege che Geovà el ga dato ai israeliti, arquanti bandidi i era picadi su nte un pal dopo che i fusse copadi. Cossita, lori i servia de aviso par tuti e questo mostrea anca che Dio li gavea maledidi. Vanti che vegnesse note, lori i gavaria de cavar via quel morto che l’era picà su ntel pal e sepoltarlo. Se i lo assesse ntel pal tuta la note, la tera che Dio el gavea dato ai israeliti la restaria impura. (Deu. 21:22, 23) El pòpolo de Israel el obedia questa òrdine ancora che el morto no’l fusse mia un israelita. — Giosuè 8:29; 10:26, 27
11-17 DE OTOBRE
LESSION PRESSIOSE DELA BÌBLIA | GIOSUÈ 10-11
“Geovà el difende el so pòpolo”
Perspicaz vol. 1 pàg. 54 paràg. 7
Adoni Zedeche
I evei che i era de star in Gibeon i ga fato un acordo de pace con Giosuè. Par causa de questo, Adoni Zedeche el ga volesto vingarse de lori e no’l volea assar che anca altri i ndesse par la banda del nemigo. Alora, lu el ga riunio el so esèrsito insieme al esèrsito de quatro rè dei amorei. Lori i ze restadi intorno de Gibeon e i ga fato guera contra questa cità. Giosuè el ga salvà i gibeoniti de una maniera de gnanca creder. Lu el ga vinsesto tuti questi esèrsiti, par quela, i sinque rè i ga scampà via par Machedà. Là i rè i ze restadi presi nte una caverna. Giosuè el ga copà Adoni Zedeche e i altri quatro rè davanti el esèrsito de Israel e li ga picadi su nte un pal. Quela medèsima caverna che lori i se gavea sconto l’è stà el so sepolcro. — Giosuè 10:1-27
Perspicaz vol. 2 pàg. 965 paràg. 5
Saraiva o sassi de giasso
Come Geovà el dopera saraiva. Dele volte, Geovà el dopera saraiva par far quel che el ga prometesto e anca par mostrar el so grando poder. (Sal. 148:1, 8; Isa. 30:30) Nela Tera Prometesta, quando Giosuè e i israeliti i ze ndati giutar i gibeoniti contra i sinque rè dei amorei, Geovà el ga doperà grandi sassi de giasso contra lori. Ghen’è stà de pi persone morte par causa dei sassi che nela lota contra i israeliti. — Giosuè 10:3-7, 11
Sentinela 01/12/04 pàg. 11 paràg. 1
Punti interessanti del libro de Giosuè
Giosuè 10:13 — Come che questo ga sucedesto? Ghen’è qualcossa che sìpia massa difìcile par Geovà, el Creador del cielo e dela Tera? (Gén. 18:14) Geovà el pol cambiar el movimento dela Tera e, cossita, far che el Sol e la Luna i reste come che fermi par quei che li vardesse dela Tera. O, invesse de far questo, lu el pol cambiar la diression dela luce che la vien del Sol e dela Luna. Cossita, ndove gavaria de esser note, saria ancora ciaro. Infati, mai ghen’è stà un giorno compagno a quel. — Giosuè 10:14
Va in serca de lession pressiose dela Bìblia
Sentinela 15/03/09 pàg. 32 paràg. 5
Domanda dei letori
La Bìblia la parla de arquanti libri che i ze stati doperadi par catar informassion. Ma, no vol mia dir che questi libri i ze vegnesti de Dio. Geovà Dio el ga protegesto ‘la so parola’ e i so scriti i ‘restarà par sempre’. (Isa. 40:8) I 66 libri che Geovà el ga dessidio che i fesse parte dela Bìblia i ze pròpio quel che ghemo de bisogno. Cossita, semo ‘boni de far tuto, del tuto pareciadi par tuti i boni laori’. — 2 Tim. 3:16, 17
18-24 DE OTOBRE
LESSION PRESSIOSE DELA BÌBLIA | GIOSUÈ 12-14
“Fìdate in Geovà de tuto el cuor”
Sentinela 01/12/04 pàg. 12 paràg. 2
Punti interessante del libro de Giosuè
Giosuè 14:10-13. Calebe el gavea 85 ani de età. Ancora cossita, lu el ga volesto esser responsàbile de parar via el pòpolo de Ebron. In quela tera i era de star i anachin, persone che le era pròpio grande. Calebe, un gueriero che gavea lotà tante volte, se ga fidà in Geovà e alora, l’è stà bon de ciapar quela tera. Dopo, Ebron l’è deventà una cità de protession. (Giosuè 15:13-19; 21:11-13) El esémpio de Calebe ne incoraia a no tirarse indrio quando ghemo un laoro difìcile nel servìssio a Geovà.
Sentinela 01/10/06 pàg. 18 paràg. 11
Coraiosi parché i gavea fede e tanto rispeto par Dio
11 Semo sicuri che la fede de Giosuè e Calebe la ze restada pi forte intanto che i vedea come Dio l’era bondoso con lori. (Giosuè 23:14) Pensemo in quel che ga sucedesto. Quando el pòpolo l’è restà nel deserto par 40 ani, Giosuè e Calebe no i ze mia morti, pròpio come Dio el gavea prometesto. (Nùmeri 14:27-30; 32:11, 12) Nei sei ani che el pòpolo el ga metesto par ndar rento la tera de Canaan Giosuè e Calebe li ga giutadi. Lori due i ga bio una bela vita, con bona salute e cada un de lori ga ricevesto la so pròpia eransa. Alora, podemo veder come Geovà el benedisse quei che i serve a lu con fede.
Va in serca de lession pressiose dela Bìblia
Perspicaz vol. 1 pàg. 1031 paràg. 6
Gebal
Geovà el ga dito che la nassion de Israel la ndaria ciapar anca “la tera dei gebaliti” nei giorni de Giosuè. (Giosuè 13:1-5) Come i israeliti mai i ga ciapà quela tera, arquanti studiosi i dise che quel che l’è stà scrito l’è difarente de quel che ga sucedesto. L’è importante gaver in mente che i israeliti sol i gavaria quel che Geovà el ga prometesto in Giosuè 13:2-7 se lori i fusse obedienti. Ma, se i fusse desobedienti, lori mai i gavaria la tera de Gebal. — Varda Giosuè 23:12, 13
25-31 DE OTOBRE
LESSION PRESSIOSE DELA BÌBLIA | GIOSUÈ 15-17
“Ghemo de proteger la nostra pressiosa eransa”
Perspicaz vol. 1 pàg. 1137 paràg. 6
Ebron
Quando i israeliti i era drio ndar rento la tera de Canaan par la banda Sud, el rè de Ebron e quei che i era de star là i ze stati copadi. (Giosuè 10:36, 37) Ma intanto che i israeliti i lotea in nantra banda, i anachin i ze ndati de star nantra volta in Ebron. Par quela, un tempo dopo, Calebe el ga guidà i fioi de Giudà a pararli via de quela cità. Cossita, no i era pi i anachin che i comandea la cità de Ebron. — Giosuè 11:21-23; 14:12-15; 15:13, 14; Giuisi 1:10
Perspicaz vol. 2 pàg. 1146 paràg. 7
Laori de schiavi
Pi tardi, quando i ze ndati rento la Tera Prometesta, i israeliti no i ga mia obedio ala òrdine de Geovà de parar via e copar tuti i cananei che i era de star in quela tera. Invesse, i israeliti li ga obrigadi a far laori de schiavi. Ma i cananei li ga influensadi a adorar falsi dèi e, par causa de questo, tante brute robe le ga sucedesto ai israeliti. — Giosuè 16:10; Giuisi 1:28; 2:3, 11, 12
Perspicaz vol. 1 pàg. 416 paràg. 3
Canaan
I cananei i gavea tanti echipamenti de guera come carete de guera con ronconi nele rode. Ma, se i israeliti no i fusse mia boni de vinser una guera e ciapar par lori qualche posto, la colpa no la saria de Geovà. (Giosuè 17:16-18; Giuisi 4:13) Invesse, come mostra la stòria, le poche volte che i israeliti i ga perso una guera l’è stà parché lori i ze stati infedeli a Dio. — Nùm. 14:44, 45; Giosuè 7:1-12
Va in serca de lession pressiose dela Bìblia
Sentinela 15/07/15 pàg. 32
Seto questo?
Sarà che ghen’era pròpio tante floreste nel Israel del passà come dise la Bìblia?
El libro La vita in Israel nei tempi bìblichi el spiega che “le floreste in Israel le era tanto pi grande che le ze ancoi”.
De acordo col libro Piante dela Bìblia, ancoi in tanti posti de Israel no ghen’è gnanca una pianta. El libro el spiega che questo ga sucedesto pin pian: “I òmini i ga seità a rovinar le floreste nò sol par impiantar e far pasto par le bèstie, ma anca par gaver el legno par costruir e far fogo.”