Chi che l’è Gesù Cristo?

1. Sarà che Gesù el ga sempre esistio?

Nò. Gesù l’è stà la prima creassion de Dio. Lu l’era un àngelo e l’era de star ntel cielo vanti de vegner qua ntela Tera. (João 8:23) Lu el ga giutà so Pare a crear tute le altre cose. Ntela Bìblia, Gesù l’è ciamà de “unigénito”. Questo vol dir che lu l’è stà la ùnica persona che Dio el ga creà diretamente. (João 1:14) La Bìblia anca la ciama Gesù de “la Parola”, parché Geovà lo ga doperà par dar le so orientassion ai altri. — Ledi Provérbios 8:22, 23, 30; Colossenses 1:15, 16.

2. Parché che Gesù l’è vegnesto ala Tera?

Gesù l’è vegnesto ala Tera par tre motivi: (1) insegnar la verità sora Dio, (2) mostrar come far la volontà de Dio anca in situassion difìcile, e (3) dar la so vita perfeta come “risgate” par liberar noantri. Come che Gesù l’è vegnesto ala Tera? Dio el ga fato un miràcolo e una vèrgine ciamada Maria la ze restada gràvida. Gesù l’era el bambin. — Lucas 1:30-35. — Ledi Mateus 20:28.

3. Parché che gavemo de bisogno de esser liberadi?

Gavemo de bisogno de esser liberadi parché pechemo e morimo. Quando Dio el ga creà Adon, Lu no’l volea che le persone le restasse vècie gnanca che le morisse. Lu el volea che Adon el fusse obediente e el vivesse par sempre. Ma Adon no l’è stà obediente. (Gênesis 2:16, 17; 5:5) Tuti quei che i ze vegnesti de Adon i ze condanadi al pecato e ala morte. Ghe volea un risgate par liberar noantri. Risgate l’è un prèssio che qualchedun el paga par liberar una persona che la ze in rìs-cio de vita. — Êxodo 21:29, 30. — Ledi Romanos 5:12; 6:23.

Chi che podea pagar questo risgate par liberar noantri dela morte? Gavaria de esser qualchedun sensa pecato. — Ledi Salmo 49:7-9.

4. Parché che Gesù l’è morto?

Gesù l’è morto parché el amea le persone. Lu no’l meritea morir parché lu l’era perfeto. Ancora cossita, lu l’è stà obediente a so Pare e l’è morto par liberar noantri del pecato. Par quela, Dio el perdona i pecati dele persone. Dio el ga mostrà el so amor quando el ga mandà el so Fiol par liberar noantri. — Ledi João 3:16; Romanos 5:18, 19.

Varda el vídeo Parché che Gesù l’è morto?

5. Cossa che Gesù l’è drio far ancoi?

Gesù l’è Rè e l’è drio governar ntel cielo. Quando l’è vegnesto ala Tera, Gesù el ga rissussità morti, guario maladi, e el ga giutà le persone che le era drio sofrir. (Mateus 15:30, 31; João 5:28) Dopo che lu l’è morto, Dio lo ga ressussità par viver ntel cielo. (1 Pedro 3:18) Dopo Gesù el ga spetà fin Geovà dirghe la ora de scominsiar a governar. (Hebreus 10:12, 13) Ancoi, tante persone in tuto el mondo le obedisse a lu e le insegna a altri che lu l’è Rè. Le bone cose che Gesù el ga fato quando l’è stà qua ntela tera le mostra quel che lu el farà ntel futuro. — Ledi Daniel 7:13, 14; Mateus 24:14.

Presto, Gesù el finirà fora coi rugni e nissuni pi sofrirà. Tuti quei che i ga fede in Gesù e i ghe obedisse i viverà par sempre ntel paradiso ntela Tera. — Ledi Salmo 37:9-11.