VIVEMO COME GESÙ
Chi che i ze i to amighi ntela internet?
Un amigo l’è qualchedun che ghe volemo ben e che ghe tegnemo de conto. Par esémpio, Davi e Gionatan i ze deventadi grandi amighi dopo che Davi el ga copà Golia. (1 Sam. 18:1) Tuti due i vedea qualità che ghe piasea un al altro. Cossita, par gaver una bona amicìssia con qualchedun bisogna cognosserlo ben. Questo ghe vol tempo e sforso. Ntele rede sossiai l’è pròpio fàcile deventar amighi de qualchedun, basta sol acetar quando i te domanda de esser to amigo. Magari, podemo esser imbroiadi parché una persona la pol sconder chi che la ze. Fursi la pol pensar tanto vanti de meter qualcossa ntela internet e cossita la pol controlar quel che i altri i pensa sora ela. Par quela, l’è importante pensar vanti che tipo de amighi ndemo acetar nele rede sossiai. No stà acetar una persona come amiga sol par no assarla disgustada. Arquanti i ga dessidio no doperar le rede sossiai par causa dei perìcoli che ghen’è. Ma se te ghè dessidio doperarle, varda arquanti punti che te ghè de ricordarte.
VARDA EL VÌDEO STÀ ATENTO: DOPERA BEN LE REDE SOSSIAI, DOPO RISPONDI A QUESTE DOMANDE:
Cossa che te ghè de pensar vanti de postar una foto o un comentàrio ntela internet?
Parché che l’è importante scòlier ben i to amighi nele rede sossiai?
Parché no l’è mia bon guastar massa tempo ntele rede sossiai? — Efe. 5:15, 16