Fìdate che te sarè salvo quando questo mondo el sarà finio fora

Suito, Geovà no’l gavarà pi passiensa con questo mondo. Cossa vegnaralo fora? La religion falsa la sarà destruta, un grupo de nassion el ndarà atacar i servi de Dio e Geovà el finirà fora coi rugni nel Armagedon. Semo pròpio premosi che queste robe le suceda.

No savemo de tuto quel che sucederà nela granda tribolassion. Par esémpio, quando che la ndarà scominsiar? Come che i polìtichi i proarà spiegar el so atache contra le religion? Par quanto tempo o come che le nassion le ndarà atacar el pòpolo de Dio? Come che Geovà el ndarà finir fora coi rugni nel Armagedon?

Ma la Bìblia la ne dise tuto quel che ne ocore saver par infrontar el futuro con coraio. Par esémpio, savemo che semo drio viver nel fin dei “ùltimi giorni”. (2 Tim. 3:1) Savemo anca che Geovà el “scurtarà” el atache ale religion par no assar che la vera religion la sia destruta. (Mat. 24:22) Semo sicuri che Geovà el ndarà salvar i so servi. (2 Pie. 2:9) E savemo che Geovà el ga scoliesto una persona giusta e poderosa par finir coi rugni e salvarne nel Armagedon. — Apo. 19:11, 15, 16

Le persone le gavarà “tanta paura” par causa dele robe che le ndarà suceder. Ma savemo quel che Geovà el ga fato nel passà e quel che lu el farà nel futuro par salvar i so servi. Alora, ghemo de leder sora questo e pensarghe sora. Cossita podaremo ‘restar in pié e vardar su’, parché semo sicuri che la nostra salvassion la ze darente. — Luc. 21:26, 28