Publicassion par pareciarse par la Riunion Vivemo e Insegnemo
© 2022 Christian Congregation of Jehovah’s Witnesses
Idee par parlar sora la Bìblia
Ò Ti che te scolti le orassion, a ti le rivarà persone de tuti i tipi.
Noantri semo sicuri che, no importa cossa che ghe domandemo de acordo cola so volontà, Dio el ne scolta.
2-8 DE GENARO
LESSION PRESSIOSE DELA BÌBLIA | 2 RÈ 22-23
“Ghemo de esser ùmili”
Sentinela 15/09/00 pàg. 29 paràg. 7 e pàg. 30 paràg. 1
El somo sasserdote Hilchia el ga catà ‘el libro dela lege de Geovà che Moisè el gavea dato’. — 2 Cró. 34:12-18
Giosia l’è restà maraveià de veder come el libro el parlea dela vera adorassion. Anca, l’è restà sorpreso de saver che el libro el parlea dele robe rugne che le ndaria suceder col pòpolo e che i saria menadi come schiavi se i adoresse falsi dèi. Quando Giosia el ga visto che el pòpolo no l’era drio obedir a tute le règole de Dio, lu el ga sbregà le so robe. — 2 Rè 22:11-13; 2 Cró. 34:19-21
Sentinela 15/09/00 pàg. 30 paràg. 2
I òmini che i laorea par Giosia i ze ndati fin la profetisa Ulda. Ela la gavea dito che la Parola de Geovà la era pròpio vera. La ga dito anca che le robe rugne che le era scrite nel libro che i gavea catà le ndaria suceder ala nassion che ndea contra Dio. Ma Giosia l’è stà ùmile e par quela Geovà el ndaria benedirlo e lu no’l ndaria veder tute quele robe rugne. — 2 Rè 22:14-20; 2 Cró. 34:22-28
Va in serca de lession pressiose dela Bìblia
Sentinela 15/04/01 pàg. 26 paràg. 3-4
La situassion la era bruta quando Giosia l’era cieo. Ma ancora cossita, lu el ga fato quel che l’era bon par Geovà. Alora, Geovà lo ga benedio intanto che Giosia el governea. — 2 Rè 23:19-25
Giosia l’è stà un bel esémpio par quei che i ga passà par bruti colpi quando i era ciei.
9-15 DE GENARO
LESSION PRESSIOSE DELA BÌBLIA | 2 RÈ 24-25
“Stà atento ala època che vivemo”
Sentinela 15/02/01 pàg. 12 paràg. 2
2 Giosia el se ga sforsà tanto par finir fora cola adorassion falsa nel paese. Ma no’l ga bastà par tirar via el mal che ghen’era intrà el pòpolo e i pecati che el so nono, el rè Manassè, el gavea fato. (2 Rè 24:3, 4; 2 Cró. 34:3) Alora, sicuro che el giorno de giulgamento de Geovà el vegnaria.
Sentinela 15/03/07 pàg. 11 paràg. 10
Deromai l’era un ano e meso che Nabucodonosor, rè de Babilònia, l’era drio far un sércio intorno de Gerusalen. Nel ano 607 vanti de Cristo, nel sètimo giorno del quinto mese, Nebuzaradan, paron dela guarda del rè, “l’è ndato” a Gerusalen. (2 Rè 25:8) Tre giorni dopo, lu l’è “ndà rento” Gerusalen e el ga brusà fora la cità. — Ger. 52:12, 13
Va in serca de lession pressiose dela Bìblia
Sentinela 01/08/05 pàg. 12 paràg. 1
Geovà el ghe dà valor ala vita de quei che i ze boni. Par quela che lu el ndarà destruser quei che i ze responsàbili par la morte dele persone bone. Sicuro che lori i gavarà de renderghe conto a Dio par quel che i fà. — Sal. 37:9-11; 145:20
16-22 DE GENARO
LESSION PRESSIOSE DELA BÌBLIA | 1 CRÓNICHE 1-3
“La Bìblia la ga informassion vere, e nò stòrie inventade”
Sentinela 01/01/11 pàg. 9 paràg. 3
Gesù el ga dito che ghen’era pròpio Adon e Eva. Lu l’era drio parlar de lori quando el ga dito che Geovà el vol che el matrimònio el sìpia sol intrà un omo e una dona. (Mateo 19:3-6) Gesù el saria un busier o el saria sbalià se no ghen fusse stà Adon, Eva e el giardin del Èden. Queste idee no le ze sbaliade, parché Gesù l’era nel cielo quando quela bruta roba la ga sucedesto nel giardin. Sarà che questa no la ze una prova ciara de che questa stòria la ze vera?
Sentinela 01/06/08 pàg. 3 paràg. 4
La Bìblia la dise che Noè l’era una persona de verità. (1 Cró. 1:4; Luc. 3:36) Esdra e Luca i era brai peschisadori e i ga scrito do i nomi de quei che i era dela fameia de Noè. Quando Luca el ga scrito i nomi de quei che i era dela fameia de Gesù Cristo, lu el ga scrito anca el nome de Noè.
Sentinela 01/09/09 pàg. 14 paràg. 6
No ghe ocoreria del sacrifìssio de risgate de Cristo se no ghen fusse stà Adon. Ma parché che se dise cossita? El risgate l’è el prèssio che se paga par gaver indrio una roba che la ze stata persa o che qualchedun la ga ciapà. E Gesù Cristo el ga dato la so vita perfeta come risgate par salvar le persone imperfete dei so pecati. (Mat. 20:28; Gio. 3:16) La vita perfeta che Gesù el ga dato par risgatar quei che i ze obediente la ga el medèsimo valor dela vita perfeta che Adon el ga perso par causa del pecato nel Giardin del Èden. — Rom. 5:12
Va in serca de lession pressiose dela Bìblia
Perspicaz vol. 1 pàg. 1040 paràg. 1-2
Nomi de done. Quando ghen’era una rason importante, se metea el nome de done nei registri de quei che i fea parte dele fameie.
Una rason che i so nomi i ze stati scriti l’è quando qualchedun ndaria guadagnar una eransa par meso de lore. (Nùm. 26:33) Tamar, Raabe e Rute le ze esempi de questo. Lore le fea parte dei antenati del Messia, Gesù Cristo. (Gén. 38; Rute 1:3-5; 4:13-15; Mat. 1:1-5) Nel libro de 1 Cróniche 2:35, 48, 49; 3:1-3, 5 ghen’è altri nomi de done che i ze stati scriti nei registri dei nomi dele fameie.
23-29 DE GENARO
LESSION PRESSIOSE DELA BÌBLIA | 1 CRÓNICHE 4-6
“Cossa che le me orassion le mostra sora mi?”
Sentinela 01/10/10 pàg. 23 paràg. 3-7
Giabez el preghea sempre. Una volta, el ga suplicà a Dio par gaver la so benedission. Dopo, el ga domandà tre robe che le mostrea che lu el gavea tanta fede.
Prima, Giabez el ga suplicà che Dio el ghe desse ‘ancora pi tera’. (1 Cró. 4:10) Pol esser che lu el volea ancora de pi tera, ma sensa far guera, parché el gavea caro che pi adoradori del vero Dio i fusse de star là.
Seconda, Giabez el ga suplicà che la “man” de Dio la fusse con lu, o sia, che Dio el doperesse el so poder par giutar i so adoradori. — 1 Cró. 29:12
Tersa, Giabez no’l ga pregà par scampar via dei problemi, ma el ga domandà che no’l restesse massa triste o disgustà par causa dele robe rugne.
Quando el ga pregà, Giabez el ga mostrà che el gavea fede in Quel che el scolta le orassion e che el se preocupea cola vera adorassion. Cossa che Geovà el ga fato? Lu ‘el ga fato quel che Giabez el ghe gavea domandà’.
Va in serca de lession pressiose dela Bìblia
Sentinela 01/10/05 pàg. 9 paràg. 7
Questo ga sucedesto parché i israeliti valenti i se ga fidà in Geovà e i ze ndati in serca del so aiuto. Anca noantri ghemo de fidarse in Geovà intanto che lotemo contra nemighi che i ze pi forti de noantri. — Efe. 6:10-17
30 DE GENARO–5 DE FEBRARO
LESSION PRESSIOSE DELA BÌBLIA | 1 CRÓNICHE 7-9
“Col aiuto de Geovà, podemo far qualche laoro nela so organisassion”
Sentinela 01/10/05 pàg. 9 paràg. 8
I leviti che i tendea dei portoni i gavea una responsabilità tanto granda. Lori i gavea la ciave par ndar rento dei posti santi del témpio. Tuti i podea fidarse che lori i ndea verder i portoni tuti i di. Anca noantri ghemo la responsabilità de parlar cole persone del nostro teritòrio e giutarle a adorar a Geovà. Alora, ghemo de esser persone che se pol fidarse come quei leviti.
Sentinela 15/09/11 pàg. 32 paràg. 7
Fineia el gavea tanta responsabilità in Israel. Ma lu el gavea coraio, se fidea in Dio e el gavea capassità de capir le robe. Par quela, lu l’è stà bon de darghene fora cole dificoltà. Geovà el ghe ga piasesto del zelo che Fineia el gavea par la congregassion. (1 Cró. 9:20) Se speta che tuti i cristiani che i serve a Dio ancoi i fae compagno a Fineia, ancora de pi quei che i tende del pòpolo de Dio.
Va in serca de lession pressiose dela Bìblia
Sentinela 15/12/10 pàg. 21 paràg. 6
6 Par meso de profeti, Geovà el ga ordinà che i so adoradori i lo lodesse con càntichi. I cantori, che i era sasserdoti, no i gavea de far altri laori come i altri leviti i fea. Cossita, i podaria doperar pi tempo far par càntichi e anca par praticarli. — 1 Cró. 9:33
6-12 DE FEBRARO
LESSION PRESSIOSE DELA BÌBLIA | 1 CRÓNICHE 10-12
“Fà pi forte el to amor par la volontà de Geovà”
Sentinela 15/05/05 pàg. 19 paràg. 6
Davi el gavea tanto rispeto par la Lege de Geovà sora la vita e el sangue. Par quela, no’l ga volesto far gnente che podesse ndar contra questa lege. Anca noantri podemo far compagno a Davi e mostrar tanto rispeto par la lege de Dio.
Sentinela 06/18 pàg. 17 paràg. 6
6 Geovà l’è el nostro Creador. Lu el ne ga dato arquante lege che pol farne viver meio e che pol anca protegerne dele robe rugne che sucede par causa del pecato. Par esémpio, nela Bìblia ghen’è arquante lege che mostra cossa che lu el pensa sora dir busie, esser disonesto, ciavar i altri, la imoralità sessual, la violensa e el spiritismo. (Ledi Proverbi 6:16-19; Apo. 21:8) Quando obedimo a queste lege ghemo tante benedission. Cossita, saremo grati e ndaremo amar ancora de pi Geovà e le so lege.
Va in serca de lession pressiose dela Bìblia
Perspicaz vol. 1 pàg. 556 paràg. 6-7
Servir de tuto el cuor. Una persona la pol gaver el “cuor spartio”, o sia, no adorar a Geovà de tuto el cuor. (Sal. 119:113; Apo. 3:16) Una persona la pol anca gaver ‘un cuor che el imbroia’ (de maniera leteral, con un cuor e un cuor). La fà cossita quando la proa servir a due paroni o la parla una roba ma la pensa de nantra maniera. (1 Cró. 12:33; Sal. 12:2) Gesù el ga parlà contra le persone che le fà cossita. — Mat. 15:7, 8
Quei che i vol contentar a Dio i ga de servirlo del tuto el cuor. (1 Cró. 28:9) El cuor l’è pericoloso e, de quando semo nassesti, el vol sempre far quel che l’è rugno. Par quela, ghemo de sforsarse tanto par servir a Dio de tuto el cuor. (Ger. 17:9, 10; Gén. 8:21) Alora, podemo far arquante robe par servir a Dio cossita. Podemo parlar a Dio tuto quel che sentimo quando preghemo (Sal. 119:145; Lam. 3:41), studiar sempre la Bìblia (Esd. 7:10; Pro. 15:28), far el nostro meio nela predicassion (fà la comparassion con Ger. 20:9) e star insieme con quei che i serve a Geovà de tuto el cuor. — Fà la comparassion con 2 Rè 10:15, 16.
13-19 DE FEBRARO
LESSION PRESSIOSE DELA BÌBLIA | 1 CRÓNICHE 13-16
“Geovà el ne benedirà se obedimo ale so orientassion”
Sentinela 01/05/03 pàg. 10 paràg. 12
12 El rè Davi el ga volesto portar indrio a Gerusalen la arca del acordo. Ma no’l ga domandà a Geovà cossa che lu el pensea sora el assunto. Geovà el gavea belche dito che la arca la gavaria de esser portada su le spale dei leviti coatiti, ma Davi el ga mandà che i la portesse nte una careta. Stesso che Davi sempre el proea saver quel che Geovà el pensea, questa volta lu no lo ga fato e cossita ga sucedesto una desgràssia. — 1 Cró. 13:1-3; 15:11-13; Nùm. 4:4-6, 15; 7:1-9
Sentinela 01/05/03 pàg. 11 paràg. 13
13 Quando i leviti i ga portà la arca come Geovà el ga ordinà, i ga cantà un càntico che Davi el gavea fato. Questo càntico el ricordea a tuti de una roba tanto importante. El disea par ndar in serca de Geovà, dela so forsa e del so aiuto. —1 Cró. 16:11, 12
Va in serca de lession pressiose dela Bìblia
Sentinela 15/01/14 pàg. 10 paràg. 14
14 Geovà el deventa Rè quando el fà qualcossa che la dimostra che lu l’è drio governar o quando el dopera una persona par rapresentarlo nte un tempo o una situassion spessìfica. Vanti dela morte de Davi, Geovà el ghe ga prometesto che el so governo el saria par sempre. (2 Sam. 7:12, 13) Queste parole le ga sucedesto mila ani dopo col “dissendente” de Davi.
20-26 DE FEBRARO
LESSION PRESSIOSE DELA BÌBLIA | 1 CRÓNICHE 17-19
“Sìpia contento con quel che te pol far”
Sentinela 15/07/06 pàg. 19 paràg. 1
Davi el amea tanto a Geovà che el ga bio voia de far su una casa par Dio. Questa casa, o témpio, el saria el posto prinsipal dela vera adorassion in Israel. Davi el savea che tuto quel che l’era relassionà al témpio faria el pòpolo restar contento e portaria benedission a lori.
Sentinela 08/21 pàg. 22 paràg. 11
11 Se noantri se sforsemo tanto par far tuti i laori che ghemo nela organisassion de Geovà, saremo ancora pi contenti. Cossita, ghemo de sforsarse tanto nela predicassion e far el meio che podemo nei laori dela congregassion. (Ati 18:5; Ebr. 10:24, 25) Par esémpio, paréciate ben par far comentari e le parte nele riunion. Se i ansiani i te ga dato un laoro par far, fà pròpio come i te ga domandà. No stà mai pensar che un laoro nela congregassion no l’è importante o che no te ocore torte el tempo par farlo. (Pro. 22:29) Se te te sforsi tanto, te gavarè altre bele qualità e te restarè ancora pi contento. (Gàl. 6:4) Questo anca te giutarà a restar contento quando qualchedun el guadagna un laoro che a ti te piaseria farlo. — Rom. 12:15; Gàl. 5:26
Va in serca de lession pressiose dela Bìblia
Sentinela 02/20 pàg. 12, quadro
Gheto belche pensà: ‘Ghen’è una mùcia de persone ntela Tera. Parché che Geovà el ndaria tegnerme de conto?’ Anca el rè Davi el ga pensa cossita. Lu el ga scrito: ‘Geovà, el omo no l’è gnente. Parché te gavaria de darghe atension a lu?’ (Sal. 144:3) Davi l’era sicuro che Geovà lo cognossea ben. (1 Cró. 17:16-18) Par meso dela Bìblia e dela so organisassion, Geovà el ne assa sicuri che el vede el amor che noantri ghemo e mostremo par lu.
27 DE FEBRARO–5 DE MARSO
LESSION PRESSIOSE DELA BÌBLIA | 1 CRÓNICHE 20-22
“Giuta i gióveni a far de pi par Geovà”
Sentinela 09/21 pàg. 10 paràg. 8
8 Anca el rè Davi l’è stà un bel esémpio de modèstia. Lu el volea tanto far su el témpio, ma Geovà el ghe ga dito che Salomon, el so fiol, el ndaria farlo. Davi el ga acetà quel che Geovà el ga dito e el ga fato tuto quel che el podea par giutar nela costrussion. (1 Cró. 17:4; 22:5) Davi no’l ga mia pensà che sol lu el saria bon de far el laoro parché l’era pi vècio e gavea de pi speriensa che el so fiol. (1 Cró. 29:1) Lu el savea che la costrussion la saria ben fata par causa dela benedission de Geovà, e nò par causa dela età o dela speriensa dei laoradori. Come Davi, i fradei de età i seita a far el so meio par Geovà anca che i so laori nela organisassion i gàpia cambià. E lori i sa che Geovà el ndarà benedir i gióveni che i ze drio tender de quel che i fea vanti.
Sentinela 01/17 pàg. 29 paràg. 7
7 Pol esser che Davi l’è restà un pochetin triste, ma el ga giutà de volentiera nel progeto de costrussion. Lu el ga organisà i laoradori e el ga dato materiai de costrussion come fero, rame, argento, oro e legno de bona qualità. E lu el ga anca incoraià Salomon. — 1 Cró. 22:11, 14-16
Sentinela 03/18 pàg. 11-12 paràg. 14-15
14 I ansiani anca i pol giutar i genitori parlando sempre de maniera positiva sora far de pi nela organisassion de Geovà. Una sorela la se ricorda che, quando la gavea 6 ani, el fradel Charles Russel l’è ndato parlar con ela. Ela la dise: “Lu l’è vegnesto parlar con mi intorno de 15 minuti sora far de pi nela organisassion.” Quela ciàcola la ghe ga giutà tanto che ela la ga laorà come pioniera par de pi de 70 ani. Gheto visto come dir parole positive e insentivar i altri pol motivar una persona par tanto tempo? (Pro. 25:11) I ansiani anca i pol convidar i genitori e i so fioi par giutar in qualche laoro nel Salon del Regno. Lori i pol domandar ai picinini de far pìcole tarefe de acordo cola so capassità e la so età.
15 Altri fradei nela congregassion anca i pol giutar quando i mostra interesse nei pi gióveni. Par esémpio, proa lodar un gióveno che el ga fato un bon comentàrio nela riunion, che el ga fato una bona parte in meso la stimana, che el ga parlà dela Bìblia a un colega de scola o che el ga infrontà una sfida e stesso cossita el ga fato quel che l’era giusto. Podemo anca gaver el ogetivo de parlar coi pi gióveni vanti e dopo dele riunion.
Va in serca de lession pressiose dela Bìblia
Sentinela 01/10/05 pàg. 11 paràg. 6
Geovà el ga ordinà che el àngelo el fermesse quela bruta malatia parché el ghe fea pecà veder el so pòpolo sofrir.