Come che le religion false le fà le persone pensar robe sbaliade sora Dio?

La Bìblia la dise che Dio l’è amor. Alora, parché che le religion che le dise servirlo le fà tante robe rugne? Le religion che le fà questo le ze false. Par causa de queste religion, le persone le crede in busie sora Dio. Come che le religion le fà le persone pensar robe sbaliade sora Dio? Come che el se sente? Cossa che el ndarà far?

1. Che busie le religion false le insegna sora Dio?

Invesse de parlar la verità, le religion false le conta busie sora Dio. (Romani 1:25) Par esémpio, tante religion no le insegna ale persone el nome de Dio. Ma la Bìblia la dise che l’è importante doperarlo. (Romani 10:13, 14) Arquanti preti, pastori e altri lìderi religiosi i dise che, quando qualcossa rugna la sucede, la ze la volontà de Dio. Questa la ze una busia parché Geovà mai el fà una roba rugna a qualchedun. (Ledi Tiago 1:13.) Par causa de queste busie, le persone no le vol esser amighe de Dio.

2. Come le religion false le fà le persone pensar robe sbaliade sora Dio?

La Bìblia la dise che le religion false le fà tanti bruti pecati. (Apocalisse 18:5) Fà sècoli che le religion le ze drio meterse nela polìtica e le giuta nele guere. Par colpa de tante religion, tante persone le ga perso la so vita. Tanti lìderi religiosi i ze drio domandar soldi par gaver una vita de siori. Lori no i trata le persone come Dio le trata. Queste robe le mostra che lori no i cognosse a Dio e gnanca no i fà quel che Dio el vol. — Ledi 1 Gioani 4:8.

3. Cossa che Dio el pensa dele religion false?

Se ti te resti cativo o inrabià de veder le robe brute che le religion le fà, imagina Geovà! Geovà el ama le persone, ma el resta cativo coi lìderi religiosi che i conta busie sora lu e che no i trata le persone con amor. Lu el promete che le religion false le sarà destrute par sempre. (Apocalisse 18:21) Presto Geovà el ndarà finir fora con tute le religion false. — Apocalisse 18:8.

IMPARA DE PI!

4. Dio no’l aceta tute le religion

Tante persone le crede che tute le religion le ne mena a Dio. Ma sarà che l’è pròpio cossita? Ledé Mateo 7:13, 14, e dopo, parlé sora questo:

• Cossa che la Bìblia la dise sora la strada che la mena ala vita?

Vardé el VÌDEO, e dopo, parlé sora questo.

VIDEO: Tute le religion le ze bone par Dio? — Parte (3:22)

• Sarà che la Bìblia la dise che tute le religion ghe piase a Dio?

5. Le religion false no le mostra amor ale persone come Dio el mostra

Le religion false le fà le persone pensar tante robe sbaliade sora Dio. Par esémpio, quando lore le se mete nele guere. Par veder un esémpio, vardé el VÌDEO. Dopo, parlé sora questo:

VÌDEO: Cossa che le ga fato le ciese ntela Seconda Guera Mondial? (2:22)

• Cossa che tante religion le ga fato nela Seconda Guera Mondial?

• Cossa che te pensi sora quel che lore le ga fato?

Ledé Gioani 13:34, 35 e 17:16. Dopo, parlé sora questo:

• Come che Geovà el se sente quando le religion le se mete nele guere?

• Le religion false le fà tante robe brute e no le trata le persone con amor come Dio. Cossa che te ghè belche visto che prova questo?

6. Geovà el vol giutar le persone a scampar via dele religion false

Ledé Apocalisse 18:4,a e dopo, parlé sora questo:

• Come che te te senti de saver che Dio el vol giutar le persone che le ze nele religion false?

7. Seita a imparar sora el vero Dio

Le religion false le fà tante robe sbaliade. Ma sarà che te ghè de cambiar quel che te pensi sora Dio? Proa imaginar un pare che el dà boni consili al so fiol. Ma el fiol el va via de casa e el scomìnsia a far tante robe sbaliade. Par quela, el pare el resta tanto disgustà. Alora, saria giusto colpar al pare par causa de quel che el fiol l’è drio far?

• Sarà che saria giusto colpar a Dio e fermarse de imparar sora lu par causa de quel che le religion false le fà?

COSSA CHE TE GHÈ IMPARÀ?

Le religion false le fà le persone pensar robe sbaliade sora Dio par causa de quel che le insegna e le fà. Dio el ndarà finir fora con tute le religion false.

Sito bon de ricordarte?

• Cossa che te pensi sora quel che le religion false le insegna e le fà?

• Cossa che Geovà el pensa dele religion false?

• Cossa che Dio el farà cole religion false?

VUTO SAVER DE PI?

Cossa che le religion le ze drio far che no ghe piase a Dio?

“Sarà che tute le religion le mena a Dio?” (Varda nel jw.org)

Parché che Geovà el vol che se riunimo par adorar a lu?

“Sarà che ne ocore far parte de una organisassion religiosa?” (Varda nel jw.org)

Un prete l’era disgustà cola so religion. Parché che lu no’l se ga fermà de imparar la verità sora Dio?

“Parché un prete el ga abandonà la Ciesa” (Despertai!, febraro de 2015)

Fà tanti sècoli che le religion le conta tante busie sora Dio. Cossita le persone le pensa che Dio l’è una persona cativa e che no le pol esser so amighe. Quala che la ze le verità de tre de queste busie?

“Busie che assa le persone distante de Dio” (La Sentinela, 1 de novembre de 2013)