LESSION 19
Sarà che le Testimònie de Geovà le ze i veri cristiani?
Le Testimònie de Geovà le crede che le ze i veri cristiani. In questa lession, ndaremo risponder ale domande: ‘Quel che lore le crede l’è de acordo con cossa? Parché che le ga questo nome? Come che le mostra amor una al’altra?’.
1. Quel che le Testimònie de Geovà le crede l’è de acordo con cossa?
Gesù el ga dito che la Parola de Dio la ze la verità. (Gioani 17:17) Le Testimònie de Geovà le fà compagno a Gesù. Lore le crede in quel che ghen’è nela Bìblia. Par esémpio, varda la stòria dele Testimònie de Geovà. Intorno del ano 1870, un grupo de persone, che le era cognosseste come studianti dela Bìblia, le ga scominsià a studiar la Bìblia parché le volea pròpio saver quel che la parlea. Quando lori i capia una roba, i scominsiea a creder in quel lì anca se fusse difarente de quel che le religion le insegnea. Dopo, i ga scominsià a insegnar queste verità ai altri.a
2. Parché doperemo el nome Testimònie de Geovà?
Geovà el dise che quei che i lo adora i ze le so testimònie. Parché? Parché lori i parla la verità sora lu. (Ebrei 11:4–12:1) Par esémpio, nel passà, Geovà el ga dito al so pòpolo: ‘Valtri sì le me testimònie.’ (Ledi Isaia 43:10.) Gesù l’è ciamà de “la Testimònia Fedele”. (Apocalisse 1:5) Alora, del ano 1931 avanti, quei studianti dela Bìblia i ga scominsià a doperar el nome Testimònie de Geovà. Tuti noantri restemo tanto contenti de doperar questo nome.
3. Come le Testimònie de Geovà le mostra amor compagno a Gesù?
Gesù el amea tanto i so dissìpoli e li tratea come persone dela so fameia. (Ledi Marco 3:35.) Anca quei che i ze Testimònie de Geovà i fà questo. Lori i trata un al altro come se i fusse una fameia in tuto el mondo. Par quela che i ciama un al altro de fradel e sorela. (Filémon 1, 2) Lori anca i obedisse al comandamento de Gesù de amar tuti i fradei. (1 Piero 2:17) Le Testimònie de Geovà le mostra amor ai fradei de arquante maniere, e ancora de pi quando i ga bisogno de aiuto.
IMPARA DE PI!
Cossa te pol ancora imparar sora le Testimònie de Geovà? Che altre robe le prova che lore le ze i veri cristiani?
Quei che i va drio a Cristo i crede in quel che ghen’è nela Bìblia e i parla ai altri sora quel che la dise
4. Noantri credemo in quel che l’è nela Bìblia
Geovà el ga dito che el so pòpolo el ndaria capir la Bìblia cada volta meio. Ledé Daniel 12:4, e dopo, parlé sora questo:
El pòpolo de Dio el stùdia tanto la Bìblia. Par quela, cossa che ndaria suceder?
Vedemo come un omo, che el gavea nome Charles Russel, insieme con altri i studiea la Bìblia. Vardé el VÌDEO, e dopo, parlé sora questo:
Come che Charles Russel e altri i studiea la Bìblia?
Seto questo?
Dele volte, ne ocore cambiar qualcossa che capimo sora la Bìblia. Parché? Parché Dio el seita a giutarne a capir meio quel che ghen’è nela so Parola. Podemo dir che l’è come quando scomìnsia a sciarar el giorno. El sol el sciara cada volta de pi, e cossita, semo boni de veder meio le robe. (Ledi Proverbi 4:18.) Quel che la Bìblia la dise no’l càmbia, ma col tempo, la capimo cada volta meio.
5. Noantri vivemo de acordo col nome Testimònie de Geovà
Parché che doperemo el nome Testimònie de Geovà? Vardé el VÌDEO, e dopo, parlé sora questo.
Parché che l’è giusto doperar el nome Testimònie de Geovà?
Parché che Geovà el ga scoliesto persone par esser le so testimònie? Parché tante persone le dise arquante busie sora Dio e queste testimònie le parla la verità sora lu. Vedemo due de queste busie.
Arquante religion le dise che Dio el ghe piase che doperemo imàgine par adorarlo. Sarà che l’è pròpio cossita? Ledé Levìtico 26:1, e dopo, parlé sora questo:
Quala che la ze la verità? Dio el ghe piase che doperemo imàgine par adorarlo?
Arquante religion le insegna che Gesù l’è Dio. Sarà che l’è pròpio cossita? Ledé Gioani 20:17, e dopo, parlé sora questo:
Quala che la ze la verità? Geovà e Gesù i ze la medèsima persona?
Come te te senti de saver che Geovà el ga scoliesto persone par insegnar la verità sora lu e el so Fiol?
6. Noantri amemo un al altro
La Bìblia la dise che quei che i va drio a Cristo i ze come le parte del corpo umano. Ledé 1 Corinti 12:25, 26, e dopo, parlé sora questo:
Cossa che i servi de Dio i ga de far quando so fradei i ze drio sofrir?
Cossa che te ghè visto intrà le Testimònie de Geovà che prova che ghen’è amor intrà de lori?
Quando sucede qualche desgràssia cole Testimònie de Geovà de un paese, le altre le vol far qualcossa par giutarle. Par veder un esémpio, vardé el VÌDEO. Dopo, parlé sora questo.
Pena dopo che sucede una desgràssia, le Testimònie de Geovà le ze pronte par giutar. Come che questo mostra el so amor?
Quei che i va drio a Cristo i mostra che i ama le persone che le ga bisogno de aiuto
FURSI TE GHÈ BELCHE SCOLTÀ: “Le Testimònie de Geovà le ze sol una nova religion come tante altre.”
Quando che Geovà el ga scominsià a ciamar i so servi de so testimònie?
COSSA CHE TE GHÈ IMPARÀ?
Le Testimònie de Geovà le va pròpio drio a Cristo. Noantri semo come una fameia in tuto el mondo, credemo in quel che ghen’è nela Bìblia e insegnemo ai altri la verità sora Geovà.
Sito bon de ricordarte?
Parché che doperemo el nome Testimònie de Geovà?
Come che mostremo amor un al altro?
Te pensi che le Testimònie de Geovà le va pròpio drio a Cristo?
VUTO SAVER DE PI?
Impara de pi sora la nostra stòria.
La stòria de fede dele Testimònie de Geovà, Parte 1: Del scuro ala luce (1:00:53)
Varda un esémpio che mostra che le Testimònie de Geovà no le ga bio paura de parlar che tanti i era drio insegnar robe sbaliade.
Varda le risposte a arquante domande che le persone le se fà sora le Testimònie de Geovà.
“Domande fate de pi sora le Testimònie de Geovà” (Varda nel jw.org)
Stephen no ghe piasea de persone de altre rasse e par quela ghe fea tante robe brute. Parché che el ga cambià dopo che el ga cognossesto le Testimònie de Geovà?
“La me vita la ndea de mal a pedo” (La Sentinela, 1 de lùlio de 2015)
a Del ano 1879 avanti, la nostra revista La Sentinela la mostra le verità dela Bìblia.