Scoli diversion che assa Geovà contento

Geovà l’è el “Dio felice”. (1 Timòteo 1:11) Alora, lu el vol che semo contenti e ghemo una bela vita. Lu anca el ne dise che ghemo de riposar e divertirse. In questa lession, ndaremo veder come podemo doperar ben el nostro tempo e contentar a Geovà.

1. Cossa che ghemo de pensar quando ndemo scòlier le nostre diversion?

Cossa che te piase far par divertirte? Arquante persone ghe piase de leder un libro, scoltar mùsiche, vardar un filme o vardar robe nela internet. Altri ghe piase de caminar, nadar o giugar coi amighi. Ma no importa quel che scoliemo, ghemo de esser sicuri che el ‘Signor el aceta’. (Efesi 5:10) Ghemo de star pròpio atenti parché tante diversion le ga robe che Geovà el òdia, come violensa, imoralità sessual e robe che vien dei demoni. (Ledi Salmo 11:5.) Alora, cossa che ndarà giutarne a scòlier ben le nostre diversion?

Quando i nostri amighi i ama a Geovà, lori i ne giuta a far quel che l’è giusto e a scòlier ben le nostre diversion. Come ghemo imparà nela lession 48, la persona ‘che la va con quei che i ga el saver, la deventarà sàbia’. Ma se doperemo el nostro tempo con persone che no le ama i consili de Geovà, pol esser che faremo brute dessision. — Proverbi 13:20.

2. Parché che l’è importante star atenti al tempo che doperemo par divertirse?

Ancora che scoliemo ben le diversion, ghemo de ricordarse de nantra roba importante. Se doperemo massa del nostro tempo cole diversion, pol esser che no gavaremo tempo par le robe pi importante. Ghemo de ricordarse che la Bìblia la ne dise de ‘doperar el tempo dela meio maniera’. — Ledi Efesi 5:15, 16.

IMPARA DE PI!

Come che te pol far bone scólie sora le to diversion?

3. Stà distante de quel che Geovà no ghe piase

Parché che ghemo de scòlier ben le nostre diversion? Vardé el VÌDEO, e dopo, parlé sora questo:

VÌDEO: Come che posso scòlier ben le me diversion? (4:39)

• Come che arquanti giughi ancoi i ze compagni ale lote che ghen’era in Roma?

• Nel vìdeo, cossa che el toso el ga imparà sora diversion?

Ledé Romani 12:9, e dopo, parlé sora questo:

• Come che questo testo el te giuta a scòlier le to diversion?

Che robe che Geovà el òdia? Ledé Proverbi 6:16, 17 e Gàlati 5:19-21. Dopo de leder cada testo, parlé sora questo:

• Dele robe che ghen’è nei versìcoli, quale che ghen’è nele diversion ancoi?

Domande che pol giutarte a scòlier ben le to diversion

Domandate:

• Cossa? Questa diversion la ga qualcossa che Geovà el òdia?

• Quando? Questa diversion la ndarà intrigarme de gaver tempo par le robe pi importante?

• Chi? Sarà che me tocarà restar tanto tempo con persone che no le adora mia a Geovà?

La meio roba la ze restar distante de quel che no ne fà ben. Alora, se ghemo dubi se una diversion la ze bona o nò, l’è meio no farla.

4. Dopera ben el to tempo

VÌDEO: Come che te doperi el to tempo? (2:45)

• Anca se el fradel no l’era drio vardar gnente de sbalià, che problema lu l’era drio infrontar?

Ledé Filipensi 1:10, e dopo, parlé sora questo:

• Come che questo testo el ne giuta a dessider quanto tempo ndaremo doperar par divertirse?

5. Scoli diversion che le ze bone

Anca se ghen’è arquante diversion che Geovà no ghe piase, ghen’è tante che le ze bone. Ledé Eclesiasti 8:15 e Filipensi 4:8, e dopo, parlé sora questo:

• Cossa che te piase far par divertirte?

COSSA CHE TE GHÈ IMPARÀ?

Geovà el vol che scoliemo ben le nostre diversion e che le sìpie bone par noantri.

Sito bon de ricordarte?

• Che diversion i servi de Dio i ga de star distante?

• Parché che ghemo de star atenti al tempo che doperemo par divertirse?

• Parché che volemo scòlier diversion che Geovà ghe piase?

VUTO SAVER DE PI?

Chi che ga de scòlier le to diversion?

“Sarà che le Testimònie de Geovà le proibe qualche libri, mùsiche o filmi?” (Varda nel jw.org)

Come che te pol far bone scólie sora le diversion?

“La to diversion la ze bona?” (La Sentinela, 15 de otobre de 2011)

Varda parché che un omo el ga cambià le so diversion nela stòria “Son stà bon fin molar el me preconceto”.

“La Bìblia la càmbia la vita dele persone” (La Sentinela, 1 de febraro de 2010)

Varda come una mare la se ga fermà de vardar filmi che i gavea robe che vien dei demoni.

Stà distante de diversion che ga de veder col spiritismo (2:02)