Come fermarse de gaver paura dela morte?
La risposta dela Bìblia
La morte la ze un nemigo, e noantri femo quel che podemo par proteger la nostra vita. (1 Corinti 15:26) Alora, l’è normal gaver paura dela morte. Ma gaver massa paura dela morte par causa de busie o de credense sbaliade fà tante persone ‘viver come schiave tuta la vita’. (Ebrei 2:15) Questa paura la pol fin farte perder la alegria. Ma la verità la pol libertarte dela paura dela morte. — Gioani 8:32.
La verità sora la morte
I morti no i sa gnente. (Salmo 146:4) No te ocore mia gaver paura de sofrir dopo de morir, parché la Bìblia la dise che i morti i ze come che drio dormir. — Salmo 13:3; Gioani 11:11-14.
I morti no i pol mia farne mal. Fin quei che i era cativi e violenti no i pol far pi gnente dopo che i more. (Proverbi 21:16) La Bìblia la dise che “el so òdio e la so gelosia romai i ze finidi”. — Eclesiasti 9:6.
La Bìblia la dise che quei che i ze morti i pol viver nantra volta. Par meso de una ressuression, Dio el va far tante persone che le ze morte tornar a viver. — Gioani 5:28, 29; Ati 24:15.
Dio el promete che, nel futuro, “no ghen sarà pi la morte”. (Apocalisse 21:4) Anca, la Bìblia la dise: “I giusti i sarà paroni dela tera e i viverà par sempre nela tera”, sensa paura de morir. — Salmo 37:29.