Come che te pol pareciarte par la Selebrassion?

De questo ano avanti, gavaremo pi tempo par pareciarse par la Selebrassion dela morte de Cristo. Se la Selebrassion la sarà nte un giorno nel meso dela stimana, no ghen sarà la riunion Vivemo e Insegnemo. Se la sarà nte un fin de stimana, no ghen sarà el discorso pùblico e gnanca el stùdio de La Sentinela. Come che podemo doperar ben questo tempo che gavaremo? Come ntela època dei primi cristiani, ghemo de pareciarse par questo evento spessial. (Luca 22:7-13; Ministério do Reino 03/15 pàg. 1) Ma ghemo anca de pareciar el nostro cuor. Come che podemo pareciarse?

• Pénsaghe sora parché che te ghè de ndar ala Selebrassion. — 1 Corinti 11:23-26

• Pénsaghe sora come che la ze la to amicìssia con Geovà e prega sora questo. — 1 Corinti 11:27-29; 2 Corinti 13:5

• Ledi i testi dela Bìblia relassionadi cola Selebrassion e pénsaghe sora quel che vol dir. — Gioani 3:16; 15:13

Ntela època dela Selebrassion, nel libreto Examine as Escrituras Diariamente ghen’è un programa de Letura dela Bìblia. Arquanti fradei i lede i testi del quadro qua soto. Altri fradei i lede e i ghe pensa sora questi relati. Altri ancora i lede nantra volta artìcoli de La Sentinela che i parla sora la Selebrassion e el amor che Geovà e Gesù i ne mostra. Te pol scolier de far cossita o far altre robe. La roba importante la ze che, quel che te fè in questi giorni, te giute a far pi forte la to amicìssia con Geovà e con Gesù.