Le professie dela Bìblia le prova che Gesù l’era el Messia?
La risposta dela Bìblia
Si. Tante professie sora el “Messia, el Lìder”, el “Salvador del mondo”, le se ga realisà in Gesù intanto che lu l’era ntela Tera. (Daniel 9:25; 1 Gioani 4:14) Fin dopo dela so morte, Gesù el ga seità a realisar professie sora el Messia.
Cossa vol dir la parola “Messia”?
La parola ebraica Mashíahh (Messia) e la parola greca Khristós (Cristo) le vol dir la medèsima roba: “Untà”. Alora, “Gesù Cristo” vol dir “Gesù, el Untà” o “Gesù, el Messia.”
Ntel passà, la persona che ndea ocupar un posto de autorità importante la era untada con òio spanto sora la testa. (Levìtico 8:12; 1 Samuel 16:13) Dio el ga dato a Gesù un posto de autorità importante, quel de esser el Messia. (Ati 2:36) Ma invesse de untar Gesù con òio, Dio lo ga untà con spìrito santo. — Mateo 3:16.
Sarà che de pi de una persona la pol realisar le professie sora el Messia?
Nò. Cossita come la impression digital, o sia, la stampa dela punta del deo de una persona, la identifica sol quela persona, dela medèsima maniera la realisassion dele professie dela Bìblia la identifica sol un Messia, o Cristo. Ma, la Bìblia la ga avisà che vegnaria fora “falsi cristi e falsi profeti, e i ndarà far grandi segnai e miràcoli par imbroiar fin i scoliesti, se i pol.” — Mateo 24:24.
El Messia el podaria vegner fora ntel futuro?
Nò. La Bìblia la gavea profetisà che el Messia el saria dissendente de Davi, che l’è stà uno dei rè de Israel. (Salmo 89:3, 4) Ma no ghemo pi documenti che i mostra chi che saria dissendenti del rè Davi. Fursi i ze stati destruti quando i romani i ga finio fora con Gerusalen nel ano 70 dopo de Cristo.a De quela època in qua, nissuni pol provar che i ze dela fameia del rè Davi. Ma ntela època de Gesù, questi documenti ghen’era ancora, e gnanca i nemighi de Gesù i ze ndati contra lu quando el ga dito che el vegnea dela fameia del rè Davi. — Mateo 22:41-46.
Quante professie sora el Messia ghen’è nela Bìblia?
No se pol dir el nùmero giusto de quante professie che ghen’è sora el Messia. Par esémpio, se pol far la conta de maniere difarente, anca se l’è ciaro che la professia la ze pròpio sora el Messia. Isaia 53:2-7 la ze una professia con diversi detali sora el Messia. Ghen’è persone che le cata che questo testo de Isaia l’è una professia sol, intanto che altre persone le cata che cada detali sia una professia difarente.
Arquante professie sora el Messia che se ga realisà in Gesù
Professia |
Ndove catemo |
Realisassion |
|---|---|---|
Dissendente de Abraon |
||
Dissendente de Isache, fiol de Abraon |
||
Nassesto dela tribo de Giudà, de Israel |
||
Dissendente del rè Davi |
||
Fiol de una vèrgine |
||
Nassesto in Belen |
||
Ciamà par el nome Emanuelb |
||
El ga bio un scomìnsio ùmile |
||
Tosatei morti dopo del so nassimento |
||
Ciamà fora del Egito |
||
Ciamà de Nasarenoc |
||
Un messagero el ga parecià la strada |
||
Untà come Messia nel ano 29 d.C.d |
||
Ricognossesto par Dio come el so Fiol |
||
El gavaria zelo par la casa de Dio |
||
El ga proclamà bone notìssie |
||
La so predicassion ntela Galilea la ze stata come una granda luce |
||
El ga realisà miràcoli come Moisè |
||
Cossita come Moisè, el ga parlà i pensamenti de Dio |
||
El ga curà tanti maladi |
||
No’l ga ciamà atension par si stesso |
||
El ga bio compassion par quei che i sofria |
||
El ga mostrà la giustìssia de Dio |
||
Maraveioso Consiliero |
||
El ga parlà sora el nome de Geovà |
||
El ga doperà ilustrassion |
||
Un Lìder |
||
Tanti no i ga credesto in lu |
||
Sasso de strabucarse |
||
Rigetà par le persone |
||
Odià sensa motivo |
||
L’è ndato rento Gerusalen come un rè, montà su nte un mul |
||
Lodà par tosatei |
||
L’è vegnesto in nome de Geovà |
||
Tradio par un amigo che el se fidea |
||
Tradio par 30 monede de argentoe |
||
Abandonà par i so amighi |
||
False testimònie le ga parlà contra lu |
||
L’è restà sensa dir gnente davanti de quei che i lo ga acusà |
||
I ga sciupà in lu |
||
I ga dato bote ntela so testa |
||
I ghe ga dato tante bote |
||
No’l se ga schivà de ciaparlo |
||
Lìderi del governo i se ga unio par far plani contra lu |
||
Inciodà ntel pal par le man e i pié |
||
I ga sorteà le so robe |
||
Metesto insieme ai pecadori |
||
I ghe ga dito su, i ghe ga ridesto drio |
||
El ga sofrio par i pecadori |
||
Parea che Dio lo gavea abandonà |
||
I ga dato aseo e fel par lu bever |
||
El ga sentio sen quando l’era darente de morir |
||
El ga assà el so spìrito ntele man de Dio |
||
El ga dato la so vita |
||
El ga dato el risgate par finir coi pecati |
||
No i ga spacà gnanca un dei so ossi |
||
L’è stà traversà |
||
Interà intrà i siori |
||
Levà su de intrà i morti |
||
El so traditor l’è stà cambià |
||
Sentà do ala drita de Dio |
a La Cyclopedia de McClintock e Strong la dise: “L’è probàbile che i documenti sora le tribo e fameie de Giudà i ze stati finidi fora ntela destrussion de Gerusalen e nò vanti de questo.”
b El nome ebraico Emanuel, che vol dir “Dio l’è con noantri”, el parla sora la funsion de Gesù come Messia. Lu esser vegnesto ala Tera e le robe che lu el ga realisà l’è prova che Dio l’è coi so adoradori. — Luca 2:27-32; 7:12-16.
c La spression “Nasareno” par che la vien dela parola ebraica nètser, che vol dir “buto.”
d Par saver de pi sora la cronologìa dela Bìblia che la mostra el ano 29 d.C. come el ano che el Messia el vegnaria, varda el artìcolo “Como a profecia de Daniel predisse a chegada do Messias”.
e Questa professia la ze ntel libro de Zacaria, ma el scritor Mateo el ga dito che “se ga realisà le parole de Geremia, el profeta.” (Mateo 27:9) Dele volte el libro de Geremia l’è stà metesto come el primo libro dela session dele Scriture ciamada “i Profeti.” (Luca 24:44) Par che Mateo el ga doperà “Geremia” par far rifarensa a questa session de libri, che ghen’era anca el libro de Zacaria.