LESSION 14
Quala che la ze la maniera giusta de adorar a Dio?
Come ghemo imparà, no le ze tute le religion che le fà quel che Dio el vol. Ma, podemo adorar a Dio de una maniera che lo assa contento. Alora, quala che la ze la religion che Dio el ghe piase? (Tiago 1:27) Vedemo cossa che la Bìblia la dise.
1. La nostra maniera de adorar a Dio la ga de esser de acordo con che?
Gesù el ga dito a Dio: “La to parola la ze la verità.” (Gioani 17:17) Alora, la nostra maniera de adorar a Dio la ga de esser de acordo con quel che la Bìblia la dise. Arquante religion no le fà quel che la Parola de Dio la dise. Queste religion le va drio a quel che le persone le dise e ale so tradission. Ma Geovà el resta disgustà con quei che no i obedisse ai so comandamenti. (Ledi Marco 7:9.) Ma Geovà anca el resta tanto contento quando obedimo a quel che la Bìblia la dise.
2. Come che ghemo de adorar a Geovà?
Ghemo de adorar sol a Geovà parché lu el ne ga creà. (Apocalisse 4:11) Alora, no ghemo de doperar imàgine o qualche altra roba, parché ghemo de amar e adorar sol a Geovà. — Ledi Isaia 42:8.
La nostra maniera de adorar a Dio la ga de esser santa e come lu el ghe piase. (Romani 12:1) Questo vol dir che ghemo de obedir e amar ale so lege. Par esémpio, quei che i ama a Geovà i obedisse ale so lege sora el matrimònio. Lori anca no i dopera sigri, droghe e no i beve massa.a
3. Parché che ghemo de adorar a Geovà insieme con altre persone?
Quando ndemo ale riunion tute le stimane, podemo lodar a Geovà insieme coi altri. Par esémpio, lodemo a Geovà quando cantemo a lu. (Salmo 111:1, 2; ledi Salmo 104:33.) Geovà el dise che ghemo de ndar ale riunion parché el ne ama e el sa che le ndarà giutarne a viver felici par sempre. Nele riunion, podemo incoraiar i altri e esser incoraiadi.
IMPARA DE PI!
Parché che Geovà no’l vol mia che doperemo le imàgine par adorarlo? E, come che podemo lodarlo?
4. Noantri no ghemo de doperar imàgine par adorar a Dio
Come che savemo che Dio no’l ghe piase che doperemo imàgine? Vardé el VÌDEO, e dopo, parlé sora questo:
Cossa che ga sucedesto con arquante persone del passà che le ga doperà imàgine par adorar a Dio?
Tanti i pensa che i resta pi darente de Dio se i dopera le imàgine. Sarà che l’è pròpio cossita? Ledé Ésodo 20:4-6 e Salmo 106:35, 36, e dopo, parlé sora questo:
Cossa te vedi che le persone le dopera par adorar a Dio?
Sarà che Geovà el ghe piase de questo?
Cossa ti te pensi sora doperar imàgine par adorar a Dio?
5. Quando adoremo sol a Geovà, restemo lìberi dele busie
Come che adorar a Geovà dela maniera giusta ne fà lìberi dele busie? Vardé el VÌDEO.
Ledé Salmo 91:14, e dopo, parlé sora questo:
Cossa che Geovà el promete far se amemo e adoremo sol a lu?
6. Noantri adoremo a Geovà nele riunion
Quando femo comentari e cantemo nele riunion, lodemo a Geovà e incoraiemo ai altri. Ledé Salmo 22:22, e dopo, parlé sora questo:
Te piase scoltar i comentari dei altri nele riunion?
Vuto pareciarte par far un comentàrio anca ti?
7. Geovà el resta contento quando parlemo ai altri quel che semo drio imparar
Noantri ghemo tante oportunità de parlar ai altri quel che semo drio imparar dela Bìblia. Ledé Salmo 9:1 e 34:1, e dopo, parlé sora questo:
Cossa che te ghè imparà che te piaseria parlar ai altri?
FURSI TE GHÈ BELCHE SCOLTÀ: “No vol dir la maniera che adoremo a Dio, el importante l’è che sìpia de cuor.”
Cossa che te pensi?
COSSA CHE TE GHÈ IMPARÀ?
Noantri assemo Geovà contento quando adoremo sol a lu, lo lodemo nele riunion e parlemo ai altri sora quel che imparemo.
Sito bon de ricordarte?
Come che podemo imparar a adorar a Dio dela maniera giusta?
Parché che ghemo de adorar sol a Geovà?
Parché che ghemo de adorar a Geovà insieme con quei che i vol obedirlo?
VUTO SAVER DE PI?
Ledi el artìcolo “No dopero pi imàgine” par veder come una dona la ze restada contenta dopo che la ga fato questo.
“La Bìblia la càmbia la vita dele persone” (La Sentinela, 1 de lùlio de 2011)
Cossa che pol giutarte a far comentari nele riunion?
“Loda a Geovà nela congregassion” (La Sentinela, genaro de 2019)
No l’era fàcile par un gióveno ndar ale riunion. Ma parché che l’è stà bon par lu far questo?
Tanti i pensa che i cristiani i ga de doperar la croce. Ma ghemo pròpio de doperarla?
“Parché le Testimònie de Geovà no le dopera la crose?” (Varda nel jw.org)
a Ndaremo studiar sora queste robe pi avanti.